高手申世景《黑騎士》帶金來沅食麵 《河伯的新娘》南柱赫都吃過?

撰文:
最後更新日期:

斯洛文尼亞北靠近阿爾卑斯山脈,景觀真係好靚!(網上圖片)

韓劇迷們呢排追緊咩劇呢?KBS水木劇《黑騎士》有金來沅同申世景(又譯:申世京)呢對俊男美女主演,金來沅撩妹的甜言蜜語,有冇睇到屏幕前嘅你都面紅埋一份先?《黑騎士》劇組今次仲特別去到斯洛文尼亞取景,畫面唯美程度同《孤單又燦爛的神-鬼怪》(鬼怪)喺加拿大魁北克嘅取景絕對不遑多讓㗎!

《鬼怪》劇照

申世景喺《黑騎士》入面就話自己lunch time得一個鐘好趕,所以帶咗金來沅去食麵。原因係呢間麵館成個menu只得一道菜,所以上菜好快!(網上圖片)

但其實申世景喺《河伯的新娘》都帶咗啱啱嚟到人界嘅南柱赫去麵店食麵,仲教佢點食添!(網上圖片)

有睇過《不是機器人啊》嘅韓劇迷應該都有同俞承豪一樣,跟劇入面嗰位戀愛高手學嘢!其中一幕就教俞承豪「千祈唔好同現任(女友)去同前度拍拖嘅地方」,原因顯而易見,當然係驚你會睹物思人或者會有比較嘛!想不到申世景早前喺《河伯的新娘》入帶咗今日喺香港出席活動嘅南柱赫去某間麵店食麵,點知喺《黑騎士》入面,申世景又係帶金來沅去麵店食麵!雖然唔係100%同一間,但睇落個裝潢都好似,令心水清嘅韓劇迷一睇就會聯想起《河伯的新娘》!可以話《黑騎士》今次真係唔小心喇,唔知韓劇迷睇到呢幕時有冇發現同出戲呢?

而喺《黑騎士》入面,申世景又帶金來沅去食麵!(網上圖片)

在《河伯的新娘》花絮入面南柱赫仲笑到噴麵添!唔知今日喺香港有冇食雲吞麵呢?(網上圖片)

+15
+14
+13

除咗《黑騎士》同《河伯的新娘》近乎撞景,原來《黑騎士》同一套人氣韓劇《三流之路》更有幕係一模一樣添㗎!唔知韓劇迷有無發現呢?原來《三流之路》朴敘俊間舊屋同《黑騎士》申世景間屋係同一間屋嚟㗎!當初金智媛為咗送別朴敘俊入伍,就煲咗兜粥放喺朴敘俊屋企門口。而《黑騎士》就係申世景前男友金鉉俊去搵佢,並掛咗個袋喺門口。睇嚟呢一區實會吸引劇迷去打咭同朝聖,不過會扮《三流之路》擺粥,定學《黑騎士》掛袋喺門口呢?

金智媛《三流之路》送粥,金鉉俊在《黑騎士》就送袋,其實係同一間屋嚟㗎!金鉉俊唔會送錯袋俾朴敘俊嘛?(網上圖片)

《三流之路》朴敘俊前女友李伊利雅,都一樣嚟到朴敘俊間舊屋送佢入伍。(網上圖片)

+17
+16
+15

《黑騎士》金來沅、申世景幕後公開 「純情男」默默守護女神

下載《香港01》App,更多韓星靚相、影片率先睇!

iOS:http://bit.ly/hk01app-iOS-download

Android:http://bit.ly/hk01app-Android-download

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。