【反黑】「細華」由歌手變電影配樂 姜文杰:做音樂要靠自己儲錢

撰文:
最後更新日期:

由香港班底製作的網劇《反黑》近期熱爆中港台。網上總點撃更突破5億大關。對於以全香港班底製作來說,5億絕對是一個值得大家鼓舞的數字。劇內情節除了有香港人口味的江湖劇情外,有多位大家見慣見熟的老戲骨。《反黑》來到第15集,在招積暫時敗走後,這個單完多了一位久未露面的歌手參演。他就是飾演「細華」一角、好戲之人秦沛的兒子姜文杰(Benji)。

好戲之人秦沛的一對仔女於2010年以組合Benji & Lesley兄妹檔進軍樂壇(左起:姜麗文、秦沛、姜文杰)

姜文杰(Benji)在《反黑》中飾演「細華」一角,並在第15集出賣「豬油」(吳孟達)疑將他殺死。(網絡圖片)

Benji初初在TVB主持《無間音樂》,到2010年他與妹妹姜麗文(Lesley)組成兄妹檔唱作組合「Benji and Lesley」。他們的首支派台主打歌曲《Showtime》更得到不錯的成績。以獨立歌手身份在首年得到多個新人獎項。雖然他們兩兄妹在樂壇得到不少人認同,可惜在香港做音樂始終雖要成本製作,在沒有唱片公司支持下未能持續推出音樂作品。之後簽約HKTV做演員,可惜港視不獲發牌。其後少有在香港樂壇見到Benji and Lesley。

Benji & Lesley於2010年出道,並曾推出專輯《Showtime》。(網絡圖片)

姜文杰坦言在香港音樂路不易走。(網絡圖片)

姜文杰接受《香港01》訪問時表示:「對上一次同大家傾計,我諗可能真係我拍完《導火新聞線》嘅時候。雖然我哋Benji & Lesley暫別香港樂壇,但我哋一直未有放棄。我哋中間有到內地參加節目『我不是明星』之後成功開拓內地市場。我就一直喺內地拍劇做演員。其實呢幾年有好多香港樂迷問我係唔係放棄咗香港樂壇。『佢哋問我係唔係唔再唱歌?』、『點解兩年前喺內地出咗首歌《在一起》,咁香港呢?』其實有時我都好無奈,唔係條條路都咁順,有好多問題都係意料之外。雖然我團火曾經有熄過,不過我身邊朋友成日鼓勵我,團火開始翻嚟。加上今次《反黑》我除咗做『細華』之外,佢哋製作公司同我有音樂上合作。俾機會我可以監製《反黑》主題曲《大丈夫》,仲有做《反黑》嘅電影配樂,好感恩今次嘅合作令我音樂條路再次打開,導演宋本中、陳小春仲有陳國坤都有鼓勵我做多啲音樂,所以我開音樂再一次翻嚟我生命入面。加上製作公司整緊新嘅studio希望嚟緊可以為影壇及樂壇做得更多。」

Benjiji強調在內地工作真的要打醒十二分精神。(網絡圖片)

談到在內地轉戰做演員,Benji強調在內地工作真的要打醒十二分精神:「拍完『我不是明星』之後為我打開內地市場,我有拍劇拍戲。不過做喺內地做演員真係要好小心。當時我拍緊一套武俠片類型嘅網劇,入面嘅製作團隊無經驗扮有經驗。我已經通頂兩晚仲要同佢哋飲酒應酬,之後嗰日練劍受傷但係都要繼續拍。而有一幕我當時係要吊威也飛上去一個山坡上面,但佢哋竟然係無人試過飛唔飛到,亦都無人試過山坡上面安唔安全企唔企到人。而幫我拉威也嘅人,正常應該係一班專業武師,點知佢哋只係搵現場工作人員,製片,助導。我每次畀佢哋拉上去都撞嚟撞去,撞到周身傷。結果拍咗一個月,翻嚟香港醫兩個月。有時為保持專業都要頂硬上。」

問到Benji會否再在香港樂壇重新出發,他謂:「其實我同阿妹2010年儲錢出第一張唱片呢個信念到依家都跟住我。我哋係獨立歌手,所以要做音樂係要靠自己儲錢。不過無奈地雖然我收入來源主要來自內地做嘢,但我做嘢賺完嘅錢都要喺香港交租,所以仲為緊兩餐,我都希可以儲多啲錢去行自己想行嘅路。其實我同阿妹雖然依家分開發展,但我哋其實無停過,我阿妹都幾肯定會喺今年或者明年會出歌。而我自己希望喺兩年內可以回歸樂壇。」

+9
+8
+7


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。