Ian陳卓賢完成MIRROR巡唱獨自英國返港　與媽媽同行負責碌卡

MIRROR完成英國巡唱後，部分成員逗留當地觀光，今午（18日）Ian 陳卓賢今日獨自返港，航班到達1小時後，他現在VIP通道，不過未見同行嘅媽媽。他接受訪問時指媽媽去英國經驗比自己多，自己都要靠對方帶路，又笑稱自己負責碌卡俾錢。問到英加場會否帶埋媽媽一齊去，Ian表示要睇她情況，因為擔心搭長途機。

講到英國兩場嘅演出表現， Ian表示畀自己70分，畢竟要有進步空間，之後續說：「我覺得都幾好，頭場幾有信心，多謝英國嘅觀眾令我感覺好似喺香港開，佢哋好熱情，所以整個tour 頭兩場都有信心。」問到之後會否騷肌，他表示一直做健身，但「除衫呢啲就後話啦。」Ian 臨走前，不停與一旁嘅Hellosss 打招呼。