洪嘉豪下月開紅館無意閉關 自稱已練出健碩鋼條身形
撰文：鄺鈺瑩
出版：更新：
洪嘉豪下月首次開紅館，但他無意全封關。（葉志明攝）
陳蕾、洪嘉豪今早（27日）出席彩妝品牌活動，Kaho下月首次在紅館舉行演唱會，但他仍不時出席活動、校園騷，他表示沒有閉關嘅打算。「我相信一邊排練一邊出騷見下人，會提升我信心。因為如果我閉關太耐，一嘢出嚟，我未必太適應，我個warm up係需要耐好多。」
洪嘉豪得知陳蕾架車有問題，即晚就幫對方處理，獲陳蕾大讚「好專業嘅汽車助理」。（葉志明攝）
Kaho又透露已擁有鋼條身形，但並不會在演唱會上主動騷肌。「其實我係好希望可以令觀眾眼前一亮，但我諗緊個被動啲嘅方法欣賞到我嘅健碩。」他又透露排舞十分順利，但更正大家他是「華納冇王」而非舞王。
Kaho話仲諗緊點樣騷鋼條身形。（葉志明攝）
陳蕾表示由個唱到現在，甚少見Kaho，每次問對方近況心情時，都只得單字回應。「但我如果問佢架車啲嘢，佢係秒覆，然後叫我影相俾佢睇，然後佢係即晚拎晒嘢嚟幫我整。整完我問佢要唔要坐低傾下，佢話『唔使，我走㗎啦』呢個師傅係非常專業，佢對我嘅關心係實質行動。」