12怪盜｜Ian心痛fans四圍撲飛 Edan期待與Dee哥謝票
撰文：鄺鈺瑩
出版：更新：
MIRROR、ERROR與楊偉倫出席《12怪盜》首映。（陳順禎攝）
MIRROR主演新戲《12怪盜》今日舉行首映，12子以黑色打扮現身，現場尖叫聲震耳欲聾。《12怪盜》上映，MIRROR下周飛往英加巡唱，因此本月28至下月1日成了「謝票周」，有粉絲計算過，Anson Lo與Edan成了謝票王，共跑105以及103場；柳應廷一共要跑77場，粗略計算12子連續五日共跑逾414場，票房進賬過千萬。
Anson Lo雖有不少謝票經驗，但他最近接拍杜琪峯新片，同時兼顧逾百場謝票，體力精神消耗極大。（陳順禎攝）
MIRROR接受訪問時，被問到謝票場逾400場，陳卓賢（Ian）花生mode表示可能有500場，而「謝票王」呂爵安（Edan）與盧瀚霆（Anson Lo）笑言因為比較得閒，所以參與最多。12子之前訪問時，其中一個票房福利是柳應廷（Jer）與Anson Lo跳《Fever》，Jer今日話自己守身如玉，楊樂文（Lokman）笑謂只要大家多啲入場支持，應有不少福利。
Ian心痛fans四圍撲飛。（陳順禎攝）
Ian表示自己比較心痛fans為了支持他們，要搶飛及跟住他們四圍跑，替他們辛苦；江𤒹生（AK）謝票場最少，原來是因為接拍了新戲，不過佢只肯透露與運動題材有關； 而同樣係要拍新戲嘅仲有Anson Lo，新戲由杜棋峯執導，他表示為角色要剪頭髮，同時要落妝演出。「造型都傾好耐，尋日佢要我落晒成個妝，落剩條眉，自己都未試過咁素顏演出。當然好緊張，好大壓力，但杜Sir幾nice，因為仲係拍第一組戲，佢仲guide緊我點入戲，就咁聽佢講嘢都學到好多嘢。」
+7