九運知天命｜楊天命師傅教買六合彩勝算高 蝦頭0mi獲加持勁興奮
撰文：吳子生
出版：更新：
HOY TV 全新玄學節目《九運知天命》今日（12/4）於荃灣有線電視大樓錄影廠舉行開鏡日暨行運中女見面會，由玄學大師楊天命率領蝦頭（楊詩敏）、0mi 鄺芷凡拆解九運先機 為「中女」指點迷津，並透過玄學角度拆解九運先機，傳授趨吉避凶的方法，全方位為觀眾指點迷津。
楊詩敏、楊天命師傅及鄺芷凡齊齊主持HOY TV 全新玄學節目《九運知天命》。（陳順禎攝）
楊師傅接受《香港01》訪問時表示：「今次我哋會教人哋點樣買六合彩，從中獲得應得嘅財富，然之後積福。我只會用佢哋嘅財星去算出有利嘅時辰同方位等，等佢哋容易嘅中獎咁解，而我就唔會話買邊一個號碼。」0mi剛才獲得楊師傅加持在右手點上「硃砂」心情勁興奮：「我咁梗係想開到光得到智慧啦。而我今次被選中參加做師傅嘅宮女真係好幸運，因為要係咁多人之中揀出嚟都唔易，唔知係咪開咗光行緊運，變咗我成個節目我都唔會洗。」蝦頭接著說笑：「師傅簡直係貴人，我同0mi手上嘅硃砂，未來呢20年都係靠佢，自己就冇話想求邊，最緊要乜嘢都好就夠。」
楊詩敏和鄺芷凡獲楊天命師傅點上硃砂加持。（陳順禎攝）