林夏薇《逆天奇案2》迎戲肉同馮盈盈攤牌　女一戲分少網民戥唔抵

視后林夏薇（薇薇）近年劇接劇不斷，近日再於無綫（TVB）劇集《逆天奇案2》擔正做女一，甫開播便收視報捷，令人振奮！薇薇笑言如收視再升，將派方力申游多次渡海泳答謝觀眾，玩得又搞笑。而《逆2》播出至今亦話題不斷，就連26年未曾在TVB拍劇的梁小冰與老公陳嘉輝合作，再次現身熒光幕，極有睇頭，引來網民追捧。

劇集將於下星期入戲肉，飾演第三者「張喜」的馮盈盈（飾演張喜）即將同薇薇（飾演馬穎思）攤牌！究竟馮盈盈如何面對薇薇，薇薇有否正面迎擊馮盈盈？未播出只看劇情已令觀眾相當肉緊，要知兩位靚女攤牌後續如何，相信大家要密切留意劇集發展。

惟有薇薇粉絲留言不滿，指身為第一女主角的薇薇戲分比預期少，並表示《逆1》薇薇戲分已不多，續集亦不見有改善，令粉絲大失所望，戥薇薇不值！有網民留言：「第一部，林夏薇嘅角色已經好少戲分，今次更加少 少唔緊要 最緊要個角色一啲發揮都冇 第一部係咁，第二部都係咁」、「又女一捧女三，最鍾意薇薇！」、「今輯逆天奇案啲戲份好似咁散，唔單止馮盈盈仲未出場，就連女主角林夏薇咁少戲份，夠竟搞邊科」。