黎明詩設靈｜唐禮球憶亡友昏迷林志美床邊唱《偶遇》：想開眼
撰文：吳子生
出版：更新：
歌手黎明詩上月28日不敵癌魔睡夢中離世，終年58歲。喪禮今日（15/4）於大圍寶福紀念設靈，讓親友作最後道別。下午5時半，黎明詩生前好友唐禮球受訪時表示：「其實係佢病緊時候，佢已經用盡所有方法去治療，佢係好積極咁去面對，但到後期佢自己亦知道自己個情況越嚟越差，好多朋友都去醫院度探佢，到佢昏迷嘅時候，林志美同好多歌手不斷喺佢身邊度唱歌俾佢聽，希望不斷咁同佢打氣，但當大家圍住佢唱嘅時候，佢係好有反應，對眼不斷喺度跳動，想開眼，而個口亦喺度郁，尤其佢聽林志美嗰首《偶遇》歌曲嘅時候，佢係好大嘅反應，因為佢係好鍾意呢首歌。雖然佢都係擘唔大對眼，但佢嘅反應係話俾我哋知佢係完全收晒。」
黎明詩設靈。（梁碧玲攝）
黎明詩設靈。（梁碧玲攝）
莫鎮賢續說：「我覺得師妹（黎明詩）好有福氣，因為佢身邊有一個好嘅伴侶Kelly，因為我相信好多伴侶都到唔到，由事發一直到陪住佢，帶佢去好多嘅國家去尋求治療方法，直到師妹行唔到，Kelly都會搵盡方法，無論幾多錢，只要令到師妹舒服，瞓得到，佢都會帶住佢去，我覺得佢對師妹真係好好。」
唐禮球講起黎明詩往事不禁落淚。（梁碧玲攝）
莫鎮賢大讚黎明詩為人樂觀。（梁碧玲攝）