姜濤回應姜糖神徒衝突事件 「我同Anson Lo都好苦惱」
撰文：鍾路淂
出版：更新：
MIRROR完成《MIRROR FEEL THE PASSION CONCERT TOUR 2024》美加站的演出，日前已回港，但隨即又投入電影《12怪盜》的謝票活動。有份出席謝票活動的姜濤，對於近日Fans之間的不快事件，特別作出了以下回應。
姜濤夥拍柳應廷Jer為《12怪盜》謝票。
MIRROR 於上周完成《MIRROR FEEL THE PASSION CONCERT TOUR 2024》多倫多一站的演出後隨即回到香港，稍作休息後，今日馬不停蹄繼續為電影《12怪盜》宣傳，其中姜濤夥拍柳應廷Jer、盧瀚霆Anson Lo夥拍李駿傑Jeremy，兵分兩路，於今日率先到全港戲院參與謝票活動，而Fans的反應十分熱烈，28場門票在推出後即被秒殺，瞬即爆滿，而謝票現場的Fans亦十分踴躍提問，氣氛熱鬧。
《12怪盜》謝票場有大批鏡粉，與姜濤柳應廷Jer對談。
對於近日Fans之間不快事件，姜濤在謝票後作出回應道：「呢一兩日不停了解整件事件嘅經過，發現網上都流傳咗唔同嘅版本，不過無論點樣都好，事件已經發生咗，我淨係希望大家可以安全快樂去支持我哋，唔好有任何爭執或者碰撞，呢個係我哋最唔想見到。我同Anson Lo 都有傾過，我哋都覺得好苦惱，唔知點樣做，呢件事發生咗唔只一、兩次，但好似一直都冇辦法解決，冇諗過一件Suppose開心嘅事情，會變成咁樣。因為每次見到我哋嘅支持者，不論係Fans或任何人，大家不論支持我哋MIRROR或是任何一個，我哋都係咁開心，因為真係一種鼓勵，所以希望以後每次見面，都可以係愉快、平安、安心地去進行。」
姜濤夥拍柳應廷Jer謝票時，回應姜糖與神徒間紛爭。
姜濤夥拍柳應廷Jer謝票時，回應姜糖與神徒間紛爭。
盧瀚霆Anson Lo夥拍李駿傑Jeremy謝票。