「藍球女神」譚旻萱右手嚴重瘀傷惹家暴疑雲 佢話係......
撰文：吳子生
出版：更新：
「藍球女神」譚旻萱（Mandy）今日（7/5）現身旺角出席運動品牌活動。本身非常熱愛做運動的譚旻萱受訪時透露，每日都會安排自己做不同運動項目，例如跑步、打藍球、跳舞等。相反從事導演工作男友Christopher就相對比較文藝：「佢係會睇吓電影，又會睇吓書，但我就比較好動，我會鍾意行山，跑步乜都會做吓嘅人嚟，雖然大家鍾意嘅嘢唔一樣，但當我去做運動嘅時候，佢就做自己鍾意做嘅嘢，大家有自己嘅空間。」
Mandy今日出席品牌活動。（吳子生攝）
另外，譚旻萱被發現右手踭一大塊瘀青，被問到是否遭到家暴？她笑言：「我要澄清Mandy係冇被家暴，其實係跳舞嘅時候整親，但點整親就唔清楚，因為好多時跳到忘晒形。武打師傅見到我啲傷勢，笑我武打嘅時候又唔見我瘀。（男友有冇幫你療傷？）佢有呀，佢仲烚咗隻蛋幫我碌去瘀，其實我都好耐冇試過咁，記得好耐之前嫲嫲先會咁做。」
Mandy跳舞不慎撞傷手踭。（吳子生攝）
Mandy稱男友烚咗隻蛋幫佢碌去瘀。（吳子生攝）