孖張天賦MC開騷隨時鬥舞 柳應廷知悉後援會問題︰希望順利解決
撰文：鄺鈺瑩
出版：更新：
《KATCH OUR LIFE》今晚舉行記招，宣布嚟緊舉行嘅4場演唱會歌手名單！頭場8月30日由柳應廷Jer@MIRROR x MC張天賦打頭陣。
Jer同MC合體開騷 ，但只得一場，問到會唔會有加場空間，佢哋話要睇主辦安排。（梁碧玲 攝）
二人在參加《全民造星II》時，已經是同組。（梁碧玲 攝）
同係《全民造星》出身嘅柳應廷Jer、MC對今次合作極為期待，仲話早早已經電話開會。Jer曾擔任MC紅館騷嘅嘉賓，當時都已經唔係好夠喉，今次有一個騷嘅時間，歌單應該令歌迷期待，不過講到期待嘅，會唔會係兩位一齊battle跳舞呢？Jer 話比賽時組隊B4時，已經跳過俾大家睇，仲反問大家︰「有咁期待咩？」MC即解圍話最緊要表演好睇，但完全唔抗拒。
MC話唔抗拒跳舞，但Jer就反問大家︰「有咁期待咩？」（梁碧玲 攝）
提到近日後援會因接任而引起不少爭議，Jer 表示知情，並謂︰「據知佢哋係選緊下一屆嘅FC，希望成件事會順利進行。一直都好擔心佢哋，因為要處理好多嘢，都好辛苦去佢哋，希望解決到而家遇到嘅問題。」Jer亦表示公司有幫手，所以希望所有問題可以順利解決。
Jer後援會因選舉下一任admin而引起糾紛，他表示知情，亦希望可順利解決。（梁碧玲 攝）