顏國樑逝世｜生前為隱世太極高手 一個傷感原因從未幕前展露功夫
撰文：陳穎思
出版：更新：
資深演員顏國樑（陳積）今日（26日）傳出因病離世，終年71歲。除了演技了得，顏國樑原來仲有一樣絕技，鮮有在鏡頭前表露出來，但因為一個原因才要收收埋埋。
顏國樑驚傳死訊終年75歲。（資料圖片）
顏國樑為「趙堡太拳」第十二代傳人。（影片截圖）
顏國樑於2004年開始學習太極，為「趙堡太拳」第十二代傳人，後來更創立「顏國樑趙堡太極拳會」。雖然身手了得，但他從來未於幕前大顯身手，背後原來與拍古裝有好大陰影有關：「如果俾佢（監製）知我打得，就畀佢黐（膠紙）到馬騮咁，皮膚唔受得，一黐塊面就出血水。90年我拍《如來神掌再戰江湖》同關禮傑、江欣燕三位都係主線，我做東島長離，拍十幾日塊面已經出晒血水，化妝師問『積少，你塊面爛到出血喎』，我話咁你黐唔黐吖？20集拍足3個月，真係好辛苦。」