工藤佑采支持者「祝福」黃心穎同馬國明分手　岑杏賢竟然讚好

今屆落選港姐工藤佑采早前與師姐黃心穎，就她被指態度差黑面一事爆發了一場隔空罵戰，呢場罵戰亦令到雙方的粉絲於IG上鬧埋一份，工藤佑采日同心穎都各有支持者，雙方陣營也鬧得好激烈。而隨住兩位當事人收火，事件似乎亦已告一段落。

不過日前心穎IG上載了一張日落美景相，竟然無端再次惹來網民的攻擊，除了繼續鬧她之外，其中更有頭像是工藤佑采的網民留言表示：「祝福你同馬國明分手，祝福」。而最離奇是同心穎本身幾老友的岑杏賢 (Jennifer) 都有讚好呢個留言，隨即引起大班網民的討論，有支持工藤佑采是的網民甚至Cap埋圖，仲話：「『祝福你同馬國明分手』留言，岑杏賢Jennifer都按LIKE，好嘢，證明TVB同事都想你地散，你不信可以睇吓，個留言已經有一百多個人讚，你形象插水啦。」引致雙方粉絲又再鬧過。

事後Jennifer亦已經好快咁取消了讚好該留言，她回應傳媒表示幸好有網民講給她知道，強調自己只係唔小心一時錯手按錯，亦有立即致電心穎跟對方講唔好意思，好彩她一向同心穎好熟稔，心穎並無誤會到她。