張曦雯台慶戰衣倫敦送港 未敢諗得獎：希望視后或我最喜愛入五強
撰文：洪曉璇
出版：更新：
張曦雯呢日紅噹噹出席商場活動。（梁碧玲攝）
Kelly張曦雯呢日身穿火紅低胸連身裙出席活動，11月19日就係TVB 53周年台慶，Kelly就話已經揀好戰衣啦：「今次造型師幫我喺倫敦搵咗條裙返嚟，型格路線健康性感，我自己都好鍾意。」
張曦雯話自己件台慶戰衣由倫敦專登送嚟香港，行型格健康性感路線。（梁碧玲攝）
點擊重溫張曦雯去年台慶戰衣：
+12
《木棘証人》中飾演貼地港女，依家嘅《踩過界2》又搖身一變做大律師Eva，Kelly連續兩套劇擔正女一，都覺得好感恩：「好開心台慶月接住兩套劇都同大家見面，兩個角色雖然都係律師但其實非常唔同，《木棘証人》嘅Chris其實比較似現實嘅我，但自己就鍾意《踩過界2》亦正亦邪嘅Eva多啲。」
《木棘証人》同《踩過界2》都係飾演律師，張曦雯指2個角色都好鍾意。（梁碧玲攝）
今年多套劇集輪住播，問到有無信心得獎，Kelly就話：「自己唔敢諗得獎呀，如果可以入圍已經好開心，仲未試過入到最後五強，不論視后定我最喜愛女角色，如果今年入到最後五強已經好開心，係大家對我嘅肯定。」
+3