曾志偉古天樂率演藝界拍片為災民打氣：佢哋覺得呢個俾捐錢更重要
撰文：林通賢
出版：更新：
曾志偉今晚(23日)在電視城，交代演藝界為鄭州災民打你氣。(葉志明攝)
TVB副總經理曾志偉，今晚突然現身奧運直播記者會，交代有關演藝界為鄭州水災影響的同胞打氣拍片一事，他說:「尋日同古生(古天樂)大家都商量過，我哋不如做呼籲同支持，呢個想法都諮詢過北京，佢哋覺得更需要香港同胞去支持呢件事，所以今朝開完會，自己各自嘅平台、電視台藝人，錄製一啲關心嘅詞語，對河南作出支持，原本打算喺星期日(25日)用返今日西九攪奧運嘅台，不過發現籌款唔係最重要，其實香港都好多人都捐咗錢，反而最重要係一啲支持河南嘅說話，咁今日就決定咗、古生用總會嘅身份，呼籲唔同嘅公司呀、藝人公司呀叫佢哋去錄片，錄咗就交俾我哋，我哋喺TVB或者唔同嘅電視台，喺到不停咁播之外呢，我哋都交俾北京嗰邊，喺騰訊、新華網、將香港藝人或團體嘅心意講畀佢哋聽，佢哋覺得呢個俾捐錢更重要。」