肥媽否認係「輪椅陰功論」女星　見張偉文演出喊唔停︰係有人講嘅

肥媽（Maria Cordero）日前被捲入「輪椅陰功論」風波，事源現年69歲的張偉文，早前重踏舞台舉行演唱會，不過因為身體問題要坐住輪椅演出，事後就有報道指，有女星話見到張偉文坐住輪椅都要演出實在是慘不忍睹，報道傳回張偉文耳邊，更令他不快！

當日有去睇騷的肥媽亦成為「嫌疑者」，不過肥媽日前接受《娛樂新聞台》訪問時，就否認自己是該位女星：「我同黑妹一齊去，我哋一入去都冇買花籃，即時俾咗利是佢先，咁直接好多啦。之後我哋就坐底聽，點知聽聽吓，睇住佢推出嚟，我眼淺就喊到GUR GUR聲，之後黑妹就叫我走先，話我影響人哋。同場有好多我哋嗰行啲人喺度，當時係有人講話『咁都要佢出嚟搵錢，陰功呀咁』係有人講嘅，我聽過，但嗰個就唔係我嚟。講嗰人都係唔捨得，佢哋唔明白一個唱歌嘅人，任何環境佢都想唱。」肥媽更表示十分支持張偉文，更笑言二人撞樣，是他家姐。