關心妍見囡囡升讀小一勁感動 6歲Jovia最愛上音樂堂要教媽媽唱歌
撰文：陳芷穎
出版：更新：
黃翠如和關心妍（Jade）今日（24/9）現身荷里活廣場出席宣明會60周年展覽開幕禮，Jade接受《香港01》訪問時表示已助養小朋友十多年，6歲大的囡囡Jovia亦希望可以出一分力：「而家同佢分配利是錢，希望佢係一個長期嘅助養。我同佢講唔係一次性，係一個commitment（承諾）嚟嘅，所以而家睇吓佢有幾多利是錢，可以助養幾多個，佢話『好啊好啊，我願意』。今日佢都想跟埋我嚟，但係我就話今日見唔到孟加拉啲小朋友。而家可以飛得，希望將來唔係帶佢去旅行，而係帶佢去探訪。」
黃翠如和關心妍出席宣明會60周年展覽開幕禮。（陳芷穎攝）
Jovia最近開學入讀小一，Jade指囡囡很喜歡上學，亦很喜歡分享在學校發生的大小事情：「佢最鍾意上音樂堂，而家返到屋企，佢要教我唱歌，佢話『我要教你一啲好新嘅方法』，同我喺度傾，我就話『知道老師，知道老師』，好得意呀佢。」看到囡囡「大個囡」升讀小學，Jade亦非常感觸：「見到佢孭住個書包好似好大個，條裙又咁長，嗰個感覺好深好感動，係一個新嘅歷程、新嘅階段。」
+1