洪嘉豪為纖腰起身見頭暈 Marf任嘉賓怕走光狂扯上衣

洪嘉豪一連兩場《Kaho Live 2024》今晚（13日）開鑼，身穿紅白西裝嘅Kaho以《主角光環》揭開序幕，隨後以《Truth or Dare 》少騷舞技。身為華納舞王嘅Kaho其後換上露腰裝與dancers 一齊大跳《明星示範生》，之後再戴上院友最鐘意嘅眼鏡，拎埋電話走到台兩旁與觀眾selfie 。

Kaho 表示為咗纖腰，唔只起身見頭暈，係連瞓喺床都暈，期間不停有歌迷大叫除衫，Kaho笑言要加錢，又指媽媽今日都有捧場，而在自己出道時，曾叮囑他唔好亂除衫，為免母子關係變差，所以只露腰。

演唱會首晚嘉賓是曾在《那年盛夏我們綻放如花》嘅Marf，二人一齊合唱《仍有心跳脈搏》後，Marf再solo《I'm Marf-elous》，期間不時抽高露肩上衣，以防走光。

向來對車十分有研究嘅Kaho 喺唱《黑玻璃》時，連同曾在MV出現過嘅對Honda Civic type R FL5出場，他表示原本想俾驚喜大家，但結果有粉絲在群組劇透，又坦言已盡做。