【鋼琴以外的KJ】我最喜愛的英美電視劇(第5-1位)

撰文:
最後更新日期:

上回提要:既然有咁多人覺得古典音樂手就淨係識得離地玩音樂同埋練琴,咁我就試吓開一個系列講下音樂以外嘅我仲鍾意做乜嘢,還有「甚麼人生」。

其實都幾普通:我超鍾意睇劇。有內容嘅故事配上一流製作同有深度嘅演出,可以完全吸住我嘅注意力同埋興趣。等我分上下集介紹十齣「邁飛佛」先!

【KJ 推薦必睇英美電視劇清單(第10-6位)】

黃家正:除咗彈琴,我仲好鍾意睇電視劇。

  5. The Walking Dead

得罪講句,The Walking Dead 嘅成功係有少少好彩……

絕對唔係唔好睇,我由佢出第一集開始便追到今天早上的 S7E15,雖然冇重睇衝動,但絕對吸引到我繼續追,直到……

The Walking Dead 絕對唔係唔好睇,我由佢出第一集開始便追到而家。(The Walking Dead 第七季電視劇宣傳照)

直到幾時?

呢個就係喪屍片最迷人嘅地方—就係唔知可以點。理論上得三個方案:

1.) 研究到新藥解決問題冇哂喪屍;

2.) 主角死;

3.) 冇死,故事繼續,但係埋唔到尾。

喪屍片嘅前設就係世界發生左件大事,所有人類有迫切危險,末世求活。這個前設令喪屍片咁吸引,但亦令到編劇咁難做:可以點收科?

很多其他之前嘅喪屍片好似電影 28 Days Later、Residential Evil 等講下主角點復仇/拯救世界,人性點樣改變,需在兩個鐘裏交代事件發生、經過、結局(就算分幾集都一樣)。而 TWD 作為喪屍電視劇就好在慢慢 build up 人物性格,同埋每一件事、大經歷、大對抗。 出色嘅位係其實在唔係糾纏於邊個係勝利者、大贏家大輸家,而係主角群係艱難嘅社會怎樣重啟系統、人類嘅倫理如何破壞同重健。

劇集多固然可以慢慢講故事,但同時因篇幅長且了無止境,觀眾追到第三四季當 The Governor 死去後便開始覺得整個劇甚無發展,拖,而且越來越多無關痛要的集數。現在到了第七季中後期,大角色 Negan 才剛出場,還有排都未追到 Robert Kirkman 原有之漫畫版本。而且 Kirkman 更在訪問直說認為 George R. R. Martin 在 Game of Thrones 似在 wrap up 故事,刪去不少細節,而 TWD 應長做慢講,還未計 spin-off 的 Fear the Walking Dead 呢!

這種以長篇漫畫為格式的電視劇真的很少見,也許因為 TWD 吸引到一班死忠喪屍迷(像筆者)仍未斷氣一直睇下去的關係……觀眾仍會看下來,觀看率便一直高企。所以,我覺得係 TWD 一套好好嘅劇……(死忠請手下留情!)

  4. Sherlock

最後四名真係好難揀,原因係因為仲有啲 legendary 嘅劇我仲未有時間睇。但到最後我諗最好標準就係有邊套劇在你心中留下最大印象。

Sherlock 每集基本上係一套電影嘅模式令我非常喜歡。(Sherlock 第四季電視劇宣傳照)

Sherlock 每季 3-4 集、每集基本上係一套電影嘅模式令我非常喜歡, 因為 3~4 個 quarters 嘅限制實在令好多細節都要 cut 走。90 分鐘令每一集可以完整的講完一個(或幾個)case,三集一季易做到適當的 build up。Benedict Cumberbatch 神化的演出當然活現了 Sherlock 這個角色,但 Martin Freeman 含蓄的 John 更突顯 Sherlock 不表露的人性一面。他倆的友情經歷,雖然老土,但加上性格、極出色的剪接、配樂、wit、humour、劇情,我相信任何人也看津津入味吧。英國人的戲路,果然有一套。

  3. Black Mirror

也許 Black Mirror 便代表了現代想像力的極緻吧。

也許 Black Mirror 代表了現代想像力的極緻,恐怖過鬼片恐怖片一百萬倍。(Black Mirror 第三季電視劇劇照)

BM 之厲害在於「深不可測」。 每集不同的世界觀、環境、故事、主題,未到最後也不會知道那暗示、推理、反射。看完的人也不敢提起內容,因 Black Mirror 給你的感覺不是一般「嗱,我地唔好做壞人啦」之明理。而是觀看期間,不知不覺喚起你內心一些心理暗位,甚至挑戰你的存在理論、人格本質和社會定位。

Black Mirror 其實恐怖過鬼片恐怖片一百萬倍。鬼片用唔係真嘅嘢去嚇你,你可以話佢唔係真。Black 都係用唔係真嘅嘢去嚇你,但你好難講佢唔係真。

  2. Game of Thrones

Game of Thrones 係我睇過最引人入勝嘅故事。

George R. R. Martin 學識淵博,不少 GOT 的人物劇情皆是引自歷史的真實事件。世界觀甚大,一個新嘅世界地圖,加上適量科幻元素,絕對是現代魔戒故事。

Game of Thrones 係我睇過最引人入勝嘅故事。(Game of Thrones 第六季電視劇劇照)

人物每一位也是主角。每個角色深不可測,但簡單來說每一個人也是個悲劇。 故事在另類世界,但人性卻徹底的believable——因為每人也有自己的動機、野心,間接在 the game of thrones 的棋盤上參戰,身不由己,但不能獨善其身。When you play the game of thrones,you win or you die.

好睇在每一個細節也處理恰當、且承上啟下,幾乎沒有失準的一季。Lannister、Stark、Targaryen、Dothraki、Tyrell、樹精靈、three-eyed Raven、dragons、magic、white walkers……George. R. R. Martin 勁在可將所有東西一線貫穿,大區小節,各有千秋。

或許不是所有人那杯茶,但喝過的朋友定必讚好。

  1. Breaking Bad

我的青春、我的大學時光,我的回憶,便是數年間每星期追看的 Breaking Bad。

5. 《Breaking Bad》2013年已播畢。(劇照)

BB 點解好睇?我想好快地解釋技術上他的過人之處:細節極多、剪接奇特、每季劇情鋪排出人意表估佢唔到,倒序穿插直敍有理, 主角 Bryan Cranston 神級演出,角色互動極好、對比分明、攝影一流、節奏極準、首尾呼應、標點暗示、結局滿意合理、情感技巧主題皆絕對一流。

但講到尾,我真係好感動。

主角 Walter White 選擇了不歸路 break bad, 從為人師表變成駭人毒販,普通人碰上了死亡的終點,為家人走到江湖安排後事,同時接受化療拯救自身。看似捨己為人,但也可能是真正「break bad」——尋找第二春,living for himself:人在江湖身不由己, 當中也有多少選擇是出自自己, 還是別無他選?

另外舊生 Jesse Pinkman 本性善良但際遇潦倒,成為衰哥哥壞市民吸賣毒粉。但殺人後不能面對自身,寧死不屈,為朋友女友甚至老師 Walter 出生入死。最後差點兒賣上性命但總算回復自由身,一車沖天。還有 Skyler 那左右不行猶豫不決,為家人為自己,究竟們為「什麼」而活,倫理可被取代、 被出賣、被改變嗎?

選擇。Your choices make who you are. Breaking bad, like chemistry, is the study of change.

【本地薑音樂節 2017】

指魔俠-神唔神 ?

有關神的爭議於數千年中從不間斷。我們怎樣來到世上?我們的存在是否各自有特別的用意?世界上到底是否存在神?神是否已死亡?這些問題非常普遍,卻又沒完沒了。殿堂裏的琴音將不再只是高雅的藝術,更是一種體驗這打斷寧靜的媒介之經歷。在這場音樂會中,指魔俠將再次逐步帶領聽眾進入充滿困惑與敬畏的旅程。

12 April 2017 (Wed) | 8pm香港大會堂音樂廳https://ticket.urbtix.hk/internet/zh_TW/eventDetail/31752

琴戀克拉拉

經歷了數年間外界的嫌棄與反對,鋼琴家克拉拉終與作曲家舒曼結為夫婦。這對幸福夫妻於此時遇上年輕有才的布拉姆斯,希望指導他成為一名出色的作曲家。克拉拉先後把布拉姆斯的樂曲推廣予聽眾;而羅伯特甚至與布拉姆斯共同創作小提琴奏鳴曲。

 然而好景不常,舒曼在晚年時深受抑鬱症困擾,入住精神病院後更患上精神衰弱。其後布拉姆斯所寫的德意志安魂曲,當中部分的創作來源,聞說跟舒曼的離世有關。取材於電影琴戀克拉拉,這場同名音樂會將為古典樂迷送上一闋千絲萬縷的情歌。

19 April 2017 (Wed) | 8pm香港大會堂劇院https://ticket.urbtix.hk/internet/eventDetail/­31755

(文章純屬作者意見,不代表香港01立場。)


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。