【01博客咁睇波】邊個話唔可以靠射12碼贏冠軍？
撰文：波三痴
出版：更新：
C朗的反擊絕對尖銳，如果一味強攻而忽略防守，好容易會出事。如何在進攻和防守取得平衡，將會是法國最後一課的重要議題。
法國要捧盃，必須凍結葡萄牙C朗及蘭尼兩位快翼，減低其攻擊力。(Getty Images)
直入正題。
葡法雙方勢均力敵 攻防各有千秋
無可否認，葡萄牙最厲害之人必定是C朗。C朗加上蘭尼，兩翼進攻一定係最銳利。兩位都「能爆能扭」，法國要有效凍結兩位快翼，就必須從中場開始加壓，唔可以畀佢地有波到。法國不妨考慮以人釘人方式去頂死兩位，又或先以翼鋒施壓，以上一仗的陣容，分別由皮耶和施素高做第一道防守，再以馬度迪和普巴掃蕩，艾拉和沙格拿補位，應該可以將葡萄牙的攻力減到最低。
葡萄牙在後防方面，以比比的級數，相信他絕對可以成功凍結基奧特；但另一中堅能否守得住基沙文又成關鍵。早前德國未能守住基沙文而輸第二球，如果今仗葡萄牙犯下同樣錯誤，我相信狀態大好嘅基沙文絕對有波入。
相反，如果法國在90分鐘內未能擊敗葡萄牙，葡萄牙絕對有能力拖到射12碼。到咗12碼，我又覺得葡萄牙勝出機會大過法國。
論戰術，葡萄牙以守為先，可算十分成功，不過就缺乏說服力及霸氣。(Getty Images)
葡萄牙穩守突擊 靠12碼贏波也是戰術
今仗葡萄牙應該會一貫其防反作風，但法國切忌墮入圈套。因為C朗的反擊絕對尖銳，如果一味強攻而忽略防守，好容易會出事。如何在進攻和防守取得平衡，將會是法國最後一課的重要議題。
今屆葡萄牙的戰術一直備受爭議，除了上一場較清脆地戰勝威爾斯進入決賽，其他賽事全是90分鐘打和，靠12碼晉級。但正正因為領隊山度士明白到，其球隊不足之處，加上事實上只得C朗一位星級球員，根本算不上強隊，倒不如實實在在，以守為先。論戰術，葡萄牙可算十分成功，不過就缺乏說服力及霸氣。但葡萄牙如果贏出，佢地只會答你：冠軍已袋，吹咩？
（本文純屬作者意見，不代表香港01立場。）