【港超球衣．博評】和富大埔——絕配的字型與球衣設計

今季和富大埔積極擴軍，除了羅致了一眾南華舊將如羅素、曾文輝、梁冠聰、翟廷峰等等球員外，亦從飛馬引入了兩名外援迪亞高及艾華度，加上巴西新援伊高沙杜尼，單單引援已足夠令人期待，加上原有班底如黃威、陳俊樂、中村佑人、李嘉耀等等，的確令人感覺到和富大埔的野心以及進取的方向。

而新加盟的大佬梁冠聰亦表示要感謝堅Sir及蔡生，直言感謝對方「收留」。回憶去季加盟南華，雖然並不如意，但亦感到得多過失。「從表面上嘅成績睇看似失敗，但上季經驗同經歷讓我成長很多，對日後整個人生都好有幫助！」但同樣，大佬亦覺得踢南華會的壓力不少，而且大部份壓力均來自自己多於外界。「的確好想以表現證明自己嘅成長，說服別人，好可惜有很大嘅反效果。」

而得著方面，大佬坦言跟七哥（陳肇麒），豪哥（陳偉豪）等身上偷到唔少師。「比起以往由細到大只喺同大部分同齡球員一隊，上年陣中擁有好多經驗極豐富球員，每日練波都可以喺佢哋身上偷師。特別喺豪哥，七哥，基哥（朱兆基）同峰哥（張健峰），對我哋十分照顧，亦不時以「過來人」身份提點我哋，如何做得更好。」而對於自己上季出任自己不擅長的左閘，大佬亦未想過。「上陣時間的確比我預期中多，雖然不是自己最擅長嘅位置，喺不同原因下，令我有更多機會出任左閘位置。而的確無諗過會喺呢個位置踢足成季，因為喺我心目中，峰哥同廷峯都係本地聯賽最佳閘位球員，基本上我只係呢個位置嘅替補球員。」

南華自降令大佬加盟和富大埔，當中過程亦令大佬覺得神奇。「南華會直到五月尾，六月頭都叫我地耐心等待，球會下年度會繼續，所以我哋亦無打算要離隊他投。直到喺新聞報導見到南華會宣布自降，我哋先意識到要自己尋求其他隊伍，而南華會亦無任何人正式通知我哋。與此同時，基本上大部分球隊組軍喺五月底前都接近完成階段，所以要搵球隊係難上加難。」因此大佬其實整個過程上都十分不安，因為南華遲遲不表態，自己處於一個極為被動的情況。

但為何會形容大埔是收留自己呢？「幸好，我自己得到大埔『收留』，當然要感謝堅Sir同蔡生比機會加盟大埔。對於新球季，希望自己有更好發揮，喺場上以表現證明自己；其次，幫助陣中較年輕球員成長，畢竟已經係我第七個球季，希望能夠付出更多；最重要，當然係為大埔爭取好成績，拎到一至兩個冠軍，以至亞軍盃資格。」原來在大佬心目中，自己已經不再是年青球員，已經有著一顆可以幫助陣中年輕球員成長的心態（又係豪哥身上學返黎？）

說回球衣，今年和富大埔跟往年一樣，主綠客紅。而球衣上亦加上了去季所沒有的胸口贊助。如果球迷眼利的話，就會發現這個贊助就是去季杯賽冠軍的那一個贊助商。而剪裁方面，這款球衣可謂十分貼身，可以盡顯球員的完美體態。

而今年印字方面，可謂十分有特色。修長的字型配上修身的球衣，可以話是絕配。大佬今年穿上4號球衣，那又有甚麼特別的意思呢？「起初想揀返著開嘅5號，不過本身都有主人。之後有諗過揀32號，因為想記得上年挫敗，比另一個推動力自己去做得更好。後來球會建議我著4號，4號亦喺我第一次代表香港隊踢A級賽嘅號碼，因此我就揀咗4號。」

對於首次跟細佬不同隊，又有否感覺有甚麼不同呢？「第一次同細佬唔同隊，當然最大分別喺無得出相入對，去練波食飯都無咗個伴，感覺有點兒清靜。所以，一返到屋企就『雞啄唔斷』。不過，傾還傾，各自球隊內部資訊都不會透露。」

（本文純屬作者意見，不代表香港01立場。）