【開心速遞】KC不惜被屈都唔想連累所愛 甘願被降職做初級文員
撰文：張嘉敏
出版：更新：
KC今集硬食生豬肉。
無綫處境劇《愛‧回家之開心速遞》入面的KC (歐瑞偉飾) 一角向來好受觀眾同網民喜愛，相信在昨晚播出那一集，大家一定睇得份外肉緊，因為KC被人陷害，仲險些被炒。好彩有同樣咁受歡迎的角色，大小姐 (林淑敏飾) 出手相救，KC先至保得住份工咋。今集入面，可以見識到KC man爆的一面，又可以睇到大小姐義氣仔女的一面，睇得緊張之餘，其實都睇得好開心。
大小姐同KC舅父一向好friend。
劇情講KC被Jenny (陳偉琪飾) 與情夫John在龍敢威 (羅樂林飾) 的房中偷情時被龍敢威撞破，兩人趁對方發現前就打暈了他，之後更陷害KC，誣蔑當時是KC跟敢威的情婦Cherry在房內偷情。敢威信以為真，想怒炒KC，大小姐即幫KC求情，結果KC被降職做初級文員，成為了John的下屬。KC死都不願說出自己當晚其實身在Helen (姚盈盈飾) 家中，寧願硬食死貓都不肯講出事實來洗脫嫌疑，全為了不想連累他暗戀的Helen，怕Helen會因此而失去了十億遺產。KC呢招捨身為愛，真係好Man呀，即刻加晒分啦。
KC唔肯講嗰晚其實同Helen一齊。
而大小姐一向同舅父KC感情好好，今次KC慘被屈，大小姐依然對他不離不棄，沒有因為爸爸遷怒於KC，不再重用KC而疏遠他，一直都企喺KC那邊，想盡辦法幫他，仲同KC講：「其實你講咩我都會信你。」好有義氣！其中一幕講述KC要搬離原本間房，公司同事嫌他收拾得慢，想掉晒他的物品，大小姐即霸氣喝止那班人，兼吩咐他們搵地方安放好KC房內所有嘢，等KC將來返來有得用，大小姐好有型呀！
大小姐好型呀！
+8