【開心速遞】欣欣返工淨係玩電話　大家公司有無啲白出糧嘅同事？

無綫處境劇《愛．回家之開心速遞》昨晚播出那集，相信一眾有返工的觀眾同網民一定睇得好有共鳴，因為內容是講欣欣（邵珮詩飾）身為公司秘書，不過咩都做唔到，錯漏百出，就連簡單的幫同事拿單據去報銷都搞到過晒期，成個優先處理的file可以不見了幾個月，結果熊榭仁（單立文飾） 幫公司買的一萬元燈錢claim不到，損失慘重。不過最離奇就是欣欣如此工作能力與工作態度，竟然無人話她，寬容地縱容她，任由她每日返公司只顧住玩電話，正經事卻無樣做到。其他同事都怕了她，寧願做埋她嗰份，她就安安樂樂繼續唔使做，有糧出，完全唔驚會被公司炒。

欣欣的同事無人會忍心於她面前話她，只會在背後講她，說她「做嘢又甩漏，又無交帶，係豬一般嘅隊友，根本就係一個人形花瓶。」但因為她天生是蠢鈍，反而會體諒她。大家睇到呢個劇情，是否覺得同自己身處的公司好似？公司入面總有好似欣欣呢類的同事，做唔到嘢但依然健在，愈無能力公司愈唔使佢做，寧願他少做少錯，唔做唔錯，等有能力的同事做埋他嗰份。不過大家就未必可以好似榭仁他們咁包容了。