【溏心風暴3】岑麗香做快樂人妻要幫陳智燊生B　唔嫁最愛一樣幸福

一直都有句說話講「被愛幸福過愛人」，能夠愛人是一種運氣，而被愛則是一種福氣，有幾多人結婚的另一半其實並非心中最愛？作為一個女人，嫁給一個疼愛自己的人是否已經是幸福？無綫50周年台慶重頭劇《溏心風暴3》入面有多條感情線，其中講Belle (岑麗香飾) 與Kyle (王浩信飾) 以及Brian (陳智燊飾) 的三角關係，就咁啱講出了以上的情況。香香原本心中所愛的是王浩信，奈何老土劇情要她為了50億賣身救父而嫁給陳智燊。新郎雖然並非最愛的王浩信，不過香香在陳智燊呢個暖男老公的愛護下，生活得非常幸福，仲決心想為老公生小朋友。

曾經香香同王浩信講清楚時喊到生離死別咁，臨結婚當日都仲要喊住出嫁，但陳智燊並不介意香香心中所愛的人是王浩信，還為香香做了很多事令她深受感動，所以香香都決定要好好回應對方的愛。其實作為一個女人，嫁到個好似Brian咁樣的老公，都咪話唔幸福，有錢使有人錫有人愛，當正自己是公主咁樣呵護照顧，正所謂感情可以慢慢培養，愛情到最終都係會轉化成為感情，是否最愛其實又何需執着呢？究竟是嫁個好老公幸福，抑或是嫁畀最愛的人幸福呢？