胡定欣100枝髮夾變短髮 激讚御用髮型師 ：佢喺我心目中係神！
撰文：冼燕珊
出版：更新：
胡定欣之前出戰《萬千星輝頒獎典禮2017》，set咗個短髮造型，明明長髮變短髮，原來全靠佢個頭內藏100枝髮夾。據知幫定欣整頭個髮型師叫Matt Chiu，兩人從2010年起已經合作咗8年，定欣多次出戰各大頒獎禮嘅髮型都係出自佢手，定欣直頭同我地講：「佢喺我心目中係神！」
胡定欣頒獎禮後深夜直播拆髮夾, 原來內藏100枝髮夾。(IG圖片)
咁阿Matt又點回應定欣當佢係神嘅讚美呢？「都要另一個神先可以成就一個神嘅。」咁講法唔好以為阿Matt份人好囂張，其實佢同定欣只係惺惺相惜姐。阿Matt話同定欣合作咗咁多年，大家非常有默契：「好多時我send一啲髮型嘅相俾佢做參考，原來佢咁啱都睇緊一樣嘅嘢。」仲話因為定欣好信任佢，每次都好有信心咁交個頭俾佢，令佢發揮得更加好，難怪每次定欣亮相都咁吸睛，髮型師功不可沒。
胡定欣大讚髮型師Matt Chiu係神! (IG圖片)
難得搵到阿Matt傾兩句，梗係捉住佢問下當季嘅髮型潮流啦，佢話依家都比較流行短髮，尤其係冬天：「因為冬天啲衫比較厚同大件，配合短髮會更加適合，反而長頭髮就顯得累贅。」另外阿Matt仲提大家平時Gel頭避免用太濕嘅產品，因為香港太潮濕，整完個頭好易塌。
胡定欣同阿Matt好老友 !(IG圖片)
定欣個短髮造型原來內藏100枝髮夾，真係拆到手軟。（IG圖片)
阿Matt同定欣惺惺相惜。(IG圖片)
阿Matt話近期比較流行呢種長度嘅髮型。(IG圖片)
阿Matt話近期比較流行呢種長度嘅髮型。(IG圖片)
阿Matt話近期比較流行呢種長度嘅髮型。(IG圖片)
除咗定欣之外，同阿Matt合作嘅女星包括文詠珊、湯唯、周筆暢同林憶蓮等，絕對係星級髮型師，搵佢Set一個頭係2500蚊港紙，剪髮就1300蚊，星級髮型師嚟講，呢個價已經算係親民架喇。
定欣歷年出戰頒獎禮嘅髮型都係出自阿Matt之手。(IG圖片)
定欣歷年出戰頒獎禮嘅髮型都係出自阿Matt之手。(IG圖片)
定欣歷年出戰頒獎禮嘅髮型都係出自阿Matt之手。(IG圖片)
定欣歷年出戰頒獎禮嘅髮型都係出自阿Matt之手。(IG圖片)
文詠珊當年呢個噴血造型，原來阿Matt都有參與髮型設計。(IG圖片)
+5