【中華小姐】余思霆睇好自己紐約同胞奪冠：佢有問我拎意見

早前在TVB 50周年台慶中，抽中了有一百萬獎金獎品之外，還有三十萬免還款信用卡的應屆中華小姐冠軍余思霆，當時就表示喪買波鞋。事隔至今已經兩個幾月，究竟思霆用晒啲錢未呢？接受《香港01》訪問時她說：「未用㗎，因為上星期先拎到錢，係呀！啊！25號出新波鞋！有成10隻顏色，我會買4，5對。我係追Jordan，超級Jordan迷，細細我會打籃球，不過而家無喇，只係鍾意Jordan鞋。」對Jordan好專一呀！

入了TVB無耐，就已經入了劇組，拍攝《好日子》，不過今日參加中華小姐活動前都要開06（早上六時開戲），咁咪好累喎？她說：「係呀，其實我enjoy嘅，呢套劇無前輩講嘅咁辛苦，我覺得而家未到個辛苦位，同班同事又好開心。我飾演一台灣人，無咁多人理我口音，我之前會覺得自己廣東話講得唔好，會緊張，但係監製對我真係好好。我而家未有時間學演技，都係向前輩請教吓，同埋練緊我嘅廣東話，好彩今次我嘅角色係一個去咗台灣讀書嘅香港人，無咁大壓力。」

【中華小姐】咁多佳麗你睇啱邊個？温哥華研究生伍殷嬅成熱門

自己是上年中華小姐冠軍，今年又有份做嘉賓，看完16位佳麗後，究竟思霆睇好邊個呢？她表示：「我睇好自己成長地紐約喇，都有少少希望嘅！我唔識佢，不過上年8月返去做評審嗰陣都見過，傾過吓偈，佢都有問我tips。其實tips都係做返自己，最緊要係自然，令觀眾睇到自己係舒服嘅，唔好做太多嘢令人覺得唔舒服。」其實人可愛做咩都令人咁舒服，思霆就是一個好例子。