【平安谷】朱晨麗都無得倖免被打 ：三奶奶之後變得好坎坷
撰文：洪曉璇
出版：更新：
正所謂「多女人嘅地方就會多是非」，劇集《平安谷之詭谷傳說》除了睇一班女村民怎樣團結抵抗男尊女卑的情況外，識睇一定睇埋仲有睇劇中陸家入面不同嘅二、三房點樣勾心鬥角。在劇中飾演三奶奶的朱晨麗每次見到佢出場都係同貓仔德德玩，而劉江從未打佢。朱朱接受《香港01》訪問時就指之後劇情就會峰迴路轉，三奶奶亦會變得好坎坷，「因為龔嘉欣走咗之後，我就會被蘇玉華揭發咗啲秘密，而佢亦同劉江老師講，所以我開始就有危機。」
朱晨麗話之後劇情會被蘇玉華揭發一些秘密，搞到佢危機重重。（溫菁莉攝）
咁危機係咩？朱朱笑言就係逃不過要俾劉江打喇！提到劇中飾演陸家管家阮兆祥同佢都有感情線，朱朱就透露，「大家都知道佢由我一入陸家就鍾意我，但我其實對佢完全係無feel嘅。因為我都係鍾意之前嗰個男人，而我對管家咁好，當然我都係有目的。」之後要到菲律賓拍攝劇集嘅佢，就話應該無時間睇返套劇，但希望粉絲可以留意下佢嘅演出，係Instagram俾下意見咁！
繼龔嘉欣後，朱朱之後都會俾劉江打！（溫菁莉攝）