森美近年好努力做gym操得一副fit爆身形，做了大隻仔，之前於無綫旅遊節目《森美旅行團》以及劇集《誇世代》都有爆肌上陣大騷苦練成果。而今日森美又上載了一張他操肌時的相上Instagram，見他舉重舉得好辛苦，並留言表示：「個樣話咗畀你知，真係奶力都出埋啦」完全係圖文相符㗎。森美操肌操到飛釘。森美谷到隻麒麟臀出晒嚟，不過都不及他的強勁胸肌吸引，仲激凸添，真係搶晒Fo！連好友陳敏之都留言笑森美話他爆乳。網民都紛紛留言話森美飛釘，甚至有網民叫他做Bra的代言人，好搞笑。佢之前同陳豪一齊喺《誇世代》爆肌。