陳慧琳讚老公煮早餐最正 公開晒幸福：佢煎午餐肉一粒粒好好食
撰文：朱奕錦
出版：更新：
陳慧琳昨日（29日）聯同林峯、琦琦等在中環出席品牌活動，以一襲紅色百褶連身裙現身的Kelly，簡約又不失氣質。有子萬事足的她近年來工作逐漸減產回歸家庭，時常都會在街市見到她的蹤影，非常貼地，近日Kelly就在IG說想裝修一下自己的廚房，看來這位天后應該都會經常下廚喇。不過呢...Kelly就笑言自己好少會入廚房，但是就好鐘意將廚房設計得好靚，就算不下廚，都會覺得好開心，這樣一來，她都會多啲下廚。但是Kelly會煮什麼呢？答案就是Grilled cheese sandwich同曲奇等等，自己鐘意吃的東西。
陳慧琳以一襲紅色連身裙亮相中環，保養得體的她完全看不出已經45歲(陳明禎攝)
Kelly近日在IG話自己終於諗到廚房要點整(IG圖片)
雖然Kelly好少下廚，但她都好有口福㗎！除了有工人姐姐煮東西之外，老公都好鐘意下廚：「老公好鐘意整嘢，每個星期日佢都會整breakfast俾我哋食囉，同埋因為佢煮啲嘢特別啲好食啲。（佢會整啲咩呀？）佢擅長煎蛋，grilled cheese呀，整啲凍冷麵，佢連煎午餐肉都好食啲，唔知點解，佢煎啲午餐肉一粒一粒，一個cube一個cube咁樣喎。」嘩，老公親自下廚，當然什麼都好吃啦！Kelly同老公咁sweet，真是羨煞旁人呀！
Kelly透露老公煮的東西特別好吃，就算是煎蛋都一樣好味陳(陳明禎攝)
既然老公廚藝這麼厲害，Kelly當然都會從中偷師，但是老公竟然拒絕喎：「我問佢你點整呀呢個，佢話唔話俾你知咁囉。同埋呢佢一煮飯呢，佢就會閂埋道門，唔俾人睇呀。」看來廚房不止是女人的聖地，有時也是「禁地」呀！
Kelly同林峯齊齊出席中環活動(陳明禎攝)