【神雕俠侶】楊過郭芙23年後重聚 網友：唔好再斬古天樂隻手
撰文：洪曉璇
出版：更新：
古天樂早前偶遇李若彤，姑姑同過兒呀﹗（古天樂微博）
古天樂自從當選最新一屆演藝人協會會長，加上憑住電影《殺破狼．貪狼》成為金像獎影帝大熱，呢兩個月真係隔日就見一見古仔現身，唔係出席活動就係同圈中人聚餐。日前古仔參加黃百鳴72歲生日PARTY，唔少人捉住古仔影相，其中一張特別引起哄動，就係《神鵰俠侶》中嘅郭芙傅明憲，23年後再遇楊過呀﹗
過兒見完姑姑就見到郭芙，網友攪笑留言叫傅明憲唔好斬人隻手。（傅明憲IG）
古天樂再post同李若彤合照 有意再拍《神雕俠侶》【童年回憶返晒嚟】小龍女李若彤食飯巧遇楊過古天樂：感覺奧妙
楊過郭芙過咗23年後再遇，兩個人都好似變咗好多。（網上圖片）
早前古天樂食飯時偶遇姑姑李若彤，先後寫咗兩篇微博分享感受，令網友回憶不斷，其實經典嘅又點止姑姑同過兒呢。於戲中鐘意楊過又不憤得唔到對方，最終斬斷楊過手臂嘅郭芙，當年傅明憲將呢份刁蠻任性演得淋漓盡致，令人又愛又恨。過兒同姑姑都係等咗16年可以再相會，估唔到郭芙要等足23年先見返楊過，女嘅精靈大眼依舊染成一頭金髮，男嘅就由白面楊過變成又黑又大隻，呢張相真係令人又唏噓又感動。古仔今年搵齊林峯宣萱會開拍大熱劇集《尋秦記》電影版，唔知嚟緊古老闆有無興趣拍《神鵰俠侶》電影版呢？
網友表示當年傅明憲古裝扮相，靚到憎佢唔落。（網上圖片）
+1