【飛虎．專訪】王敏奕唔認自己係花瓶：亞洲社會女仔好易俾人定型
《飛虎之潛行極戰》終於落幕，抱著對香港警匪片的懷緬之情，看畢這套劇集，其實並不太差。劇中有一位演員特別想提及一下，是飾演女飛虎戴以菲的王敏奕(Venus)，今次是她第三次再現身香港劇集，對於睇開TVB的觀眾的確是有新鮮感。不過最令人難忘的是，Venus在一些動作場面中，做出來的架勢也是有模有樣，看來為了這部劇，應該落足心思準備。
做飛虎隊，會有很多裝備放上身上，這個負擔絕對不容易。作為劇中唯一一個女飛虎，Venus對自己十分之嚴格，因為她並不是想單單只做一個演員，劇組邀請自己做這個角色，證明別人肯定了她的實力，所以，她要真真正正做一個飛虎。除了在拍前的體能訓練，在拍攝過程中也從不言辛苦，但當中有一次卻令她叫苦連天，她說：「我隻左腳有一個舊患曾經扭親，今次拍劇裝備好重，好易拗親，嗰日我就係有啲舊患復發，嗰陣係要去醫院打止痛針，人生第一次要打止痛針。真係好痛，乜都做唔到，醫生講咗好多方法，但因為拍緊劇嘛，嗰啲方法全部都做唔到，唯有打止痛針。」由於劇集拍攝的過程十分緊密，所以根本不能休息，如果一個人病假，全世界就要停機等她，Venus可不想做這個罪人。
還有一次，Venus回憶說：「有一幕要講我跌落街，點知真係跌咗落去，嗰吓撼親個後腦，剎那間好似成個人冰咗咁，完全諗唔到嘢。即刻要醫院照一照，好在之後都話無咩事，今次就真係要放假，劇組俾咗兩日我。」她也明言，拍動作片預了會受傷，還笑言如果沒有傷痕，就好像從來沒有拍過動作片一樣。而體能方面，亦是她從影以來最辛苦的一環，即使以前的戲份可能也有動作場面，但今次由六月拍到九月，在最熱的天時玩足三個月，不過Venus對此樂此不彼，因為她的兒時原來是一個運動員！她是一個天生喜歡郁動的少女，兒時最鍾意短跑，所以對體能等好動的東西，Venus是比較容易接受的。
一齊睇吓佢跳脫嘅連環圖喇！（梁碧玲攝）
【飛虎之潛行極戰】兄弟情係唔使講咁多嘢 男人的浪漫姊妹點會明
Venus明顯是向著動作片的方向發展，而且她自己對此亦相當感興趣，由《今晚打喪屍》玩爆破彈開始，她對動作片的興趣愈來愈濃烈。尤其今時今日，只要是靚女就會被人叫做「花瓶」，不過王敏奕就不認同自己是一個花瓶，每一件事她都會親力親為去做。「女仔好易俾人定型，尤其亞洲人社會，長頭髮大眼一定係施文靚女，但可能其實個內心係好剛強。我自己都好努力嘗試唔同嘅嘢，等大家睇我都覺得唔係只屬於一個類別，我會一個好求變、不斷自我更新嘅人，所以希望大家唔會將會框咗喺花瓶入面。」其實演員的路線有很多，無論打女又好，文藝又好，只要呈現自己盡力的一面，觀眾便會看得到你的苦心。
髮型: Ken Hui @ ii Alchemy
化妝: King Yip @KINGS MAKEUP
地點:銅鑼灣台南阿豆仔