【後生仔傾吓偈】馮盈盈宅女Look勁掂 人形攬枕任人咀：好想要返
撰文：張嘉敏
出版：更新：
FYY原來都有好宅嘅一面。
由馮盈盈（Crystal） 、麥明詩 （Louisa） 以及陸浩明主持的無綫節目《後生仔傾吓偈》，昨晚播出的一集以宅男宅女為主題，三位主持同一班大學KOL齊齊以家居Look示人，其中就以Crystal的一身宅女造型最突出。Crystal穿上4年前自己有份設計的大學Tee，加埋一條未剪吊牌的家居褲，加埋紮辮、headband同小雲眼鏡，真係入型入格，成個宅女咁樣。原來她的確有宅女的一面，仲話呢一身打扮就係平日在家所穿着的，還自爆：「重點係咩呢，我今日無做到，就係返到屋企唔戴Bra！」又再展現出open的一面。
FYY呢個宅女LOOK真係無得輸。
條褲仲要未剪吊牌。
Crystal話自己都鍾意追劇同追動漫，仲會睇到唔理男朋友，當對方打電話給她時會話：「我睇緊劇呀，你死埋一邊先啦。」而昨晚那集另一爆點就是出動了Crystal、Louisa以及波波三位靚女的人形攬枕，以供節目中的一班「毒男」揀選心儀的攬枕做出三個好「毒」的動作，眾仔仔又咀又夾，Crystal見到自己任人魚肉，即呱呱叫，表現得好肉緊，場面爆笑，Crystal話要keep返自己那個。她都有於ig上載了她攬住自己個人形攬枕的靚相。問到Crystal個攬枕依家喺邊，她說：「喺公司道具組度呀，因為係公司嘅財產嚟，我同Louisa都有表示過可唔可以畀我哋自己keep返，送畀我哋都唔得呀。」
FYY見自己個人形攬枕畀人魚肉，表現得好肉緊。
佢話好想要呢個攬枕，不過公司唔畀。
一齊再睇下呢集嘅搞笑片段，同埋FYY啲靚相：
+15