《殺手》李佳芯轉型學做殺手？ 原來師奶都可以職業殺人
撰文：賴家杰
出版：更新：
TVB 新劇《殺手》周二（7日）公布造型，劇中女主角李住芯（Ali）電了曲髮及師奶裝束出現，Ali角色係演啲乜呢？Ali回答：「今次我飾演一個婦孺，已經有一個十一歲兒子，但身邊圍繞好多殺手，因為係一個殺手世界，所以自己都要為搵錢養家，因為有個兒子，會周圍打工啦，去到最後識咗陳豪，然後發現佢係殺手，我都做埋幫兇。」
TVB 新劇《殺手》今日（7日）公佈造型，劇中女主角李住芯（Ali）以師奶造型出場。（葉志明攝）
公佈造型時候，江美儀、龔嘉欣及何遠東等人造型相當突出，Ali比起嚟相對普通，Ali自己又覺得自己造型如何？Ali直言頭髮最爆：「因為電咗個頭，希望岀到嚟效果會好，我唔想帶太多假髮，叫做轉新形象，因為頭先好多人都唔認得我，希望係好事。」但一頭曲髮Ali覺得自己適唔適合先？Ali表示緊係話自己乜都得：「其實需要用一啲時間說服自己，我都未試過做戲要整咁多嘢，之前做戲最多都係電髮，今次又要帶眼鏡又要電頭髮，我都未試過做戲要有咁多事兼顧。」
Ali今次要學識做一個殺手，不過戲中唔需要點打鬥。（葉志明攝）
李佳芯與陳豪已經唔係第一次合作，Ali同陳豪係咪已經合作無間？Ali否認呢一點：「咁始終唔同角色，不過之前合作過有基本默契，係好事。」講到《殺手》呢部劇打鬥場面亦好多，Ali笑言自己並唔需要打太多，打戲方面交番畀佢哋，Ali透露自需要學一件事：「我成日做被人打嗰個，我唔係做專業殺手，我最緊要學點樣跌倒，因為好多場口都要我跌倒或者趴低。」
Ali今次再與陳豪合作，相信會擦出唔少火花。（葉志明攝）