姚子羚東非之旅最難忘：喺大自然度去廁所！
撰文：趙允琳
出版：更新：
姚子羚（Elaine）出席護膚品牌活動，一個多月以來馬不停蹄到了非洲、瑞士及泰國，昨天剛從泰國回到香港的Elaine表示非常想念香港美食：「東非都係以西餐為主，瑞士更加唔使講啦都係西式嘢多，就算我哋去到瑞士食中餐，你都食唔到嗰種香港嘅味道！可能佢哋炒個咕嚕肉，個款炒出嚟都唔同㗎！」她說從瑞士之旅後有短短兩天留在香港，馬上第一時間去「打邊爐」：「打邊爐係香港人最經常會做嘅嘢，去到外地根本就無呢個機會去打到邊爐。」
姚子羚表示去完不同地方，發現香港其實是最好的，因為香港「要乜有乜」，十分多元化。（陳順禎攝）
短短時間周圍飛，沒有身體不適？Elaine表示在瑞士的時候有少許不適：「瑞士唔舒服唔係因為水土不服，而係因為個天氣。瑞士有雪山，凍嘅話真係去到零下，但係去到晏晝又好熱，咁成日一凍一熱。我又喉嚨痛啦，有少少想發燒，阿廉佢哋每人都塞粒藥畀我，食完又好似ok喎，咁就繼續拍嘢。」
她形容東非之旅是人生裏最難得的經歷，她笑說自己更融入了大自然：「每日可以喺大自然度食、喺大自然度去廁所！（會唔會好尷尬？）唔尷尬啊，因為班馬啊嗰啲全部都喺隔離，佢哋都係咁去㗎啦，哈哈！我哋同佢哋一樣。」
她大讚兩位前輩張兆輝與吳岱融非常敬業，即使受傷也堅持親身上陣，是很值得學習的對象。（陳順禎攝）
Elaine最近正忙於拍攝新劇《黃金有罪》，劇中張兆輝與吳岱融有多場打鬥場面，自己則要跑來跑去：「我主要跟住輝哥，例如輝哥跑我要跟住佢一齊逃亡。因為我個角色唔識打，所以我淨係會喺側面表現到好驚咁！今次就無乜打鬥啦，可能下一套吖！」
Elaine大讚位於東非的盧旺達是一個非常美的地方，大家如果有機會一定要去！（陳順禎攝）