十大中文金曲︱周柏豪港台稱王 認過往沒盡全力:有啲嘢係未夠好
撰文:劉傳謙
出版:更新:
《第43屆十大中文金曲》今日(16/1)透過特備節目形式公布得獎名單,男歌手方面,雖然周柏豪今年只得一首作品《劫後餘生》,也足以擊敗許廷鏗及姜濤,成為「十大中文金曲男歌手獎」金獎得主。
十大中文金曲︱最佳中文唱片繼續一拆三 許廷鏗小塵埃鄧紫棋瓜分
十大中文金曲︱麥浚龍《忘記和記》贏金曲獎 黎明有份獻聲沒亮相
+1
周柏豪穿上一身藍色西裝,於紅館進行錄影。在訪問中,柏豪坦言不希望2020年就此離去:「我覺得已經嘥咗好多時間,乜都做唔到,我好想珍惜埋剩低嘅時間,盡量去做好每日要做嘅事。依家經歷緊嘅嘢都係事實,冇得話踏入2021年所有嘢就會回復返正常。」
柏豪亦坦言近年才學懂珍惜:「對於我嚟講,過往有啲位未盡晒我嘅能力去做,我覺得我自己可以再做好啲。所以2020年係學到呢樣嘢,有少少醒覺,我有啲嘢係未夠好。」在紅館舞台上,他則表演前年的代表作《讓愛高飛》。