林欣彤仆落樓梯膝頭與下巴落地：震親牙骹傷咗韌帶

林欣彤（Mag）一向都係愛犬之人，間唔中就會在個人IG分享與愛犬的合照，令不少網民非常羨慕。不過昨晚Mag卻在放狗時遇上意外，結果搞到仆落樓梯撞傷膝頭與下巴：「我放狗嘅時候仆咗落大約兩三級樓梯，因為當時我隻狗(飛飛)好失控，而佢真係好大力，發狂咁跑，所以衝力都好大。結果我膝頭哥同下巴落地，我暈咗扒咗喺地下幾分鐘完全郁唔到，聲都出唔到⋯當刻明白到打拳被人knock out嘅感覺。我被個地下knock out咗，結果震親個牙鉸（骹）傷咗韌帶，同埋有啲皮外傷，仲有膝頭哥腫腫瘀瘀咁，骨應該就冇事！好彩！係暫時唱唔到歌，咬唔到嘢，又唔係好行到路。」不過阿Mag都好正面，笑稱受傷當放假，仲揚要鍛鍊好身體以防再有下次，同時亦感謝陪伴自己到醫院就醫的家人。

睇睇阿Mag的傷勢以及與愛犬合照：