梁詠琪曬24年前舊照籲齊心抗疫 網民讚美貌十年如一日：冇變過！
撰文：陳芷穎
出版：更新：
由鄭中基、吳君如、梁詠琪（Gigi）及MIRROR成員呂爵安（Edan）主演的賀歲電影《闔家辣》原定本周日舉行電車宣傳活動，可惜因疫情持續惡化被迫延期。Gigi昨日（4日）特意在IG上載24年前的舊照安慰影迷之餘亦提醒大家要保重身體，她寫着：「因為疫情關係，星期日的闔家辣電車活動要延期了! 但唔緊要，我哋一齊小心防疫，注意唔好四圍走，好快又可以見面啦。為咗陪伴大家一起抗疫，送上一張24年前變身虎女的虎年賀年相畀大家！（相片由朋友提供）」。
賀歲電影《闔家辣》由鄭中基、吳君如、梁詠琪（Gigi）及MIRROR成員呂爵安（Edan）主演。
相中，Gigi擺出恭喜手勢並寫上「虎年大吉」，而簽名的年份為1998年。當時只有22歲的Gigi樣子與現時分別不大，網民大讚她的美貌十年如一日：「Gigi 好靚好可愛，同而家一樣冇變」、「根本都冇變過，一樣咁靚」。
+3
同場加映
+72