黃宗澤《溏心3》一次擁25名女友：點都會有床戲！
撰文：郭敏玲
出版：更新：
眾多Bosco女友之中，包括馮盈盈（右二）在內有好多位都是港姐出身。（黃國立攝）
Bosco享盡豔福，連佢自己都覺得愛寵若驚，一多女就亂說話被黃翠如打了一記「頭槌」，爆笑全場。（黃國立攝）
TVB 50周年台慶劇《溏心風暴3》公開演員班底充滿鋪排，今日就宣布主要演員黃宗澤（Bosco）的感情線，究竟他與什麼對手有發展？結果可能會讓你意想不到，因為Bosco在戲內足足有25個女友之多！能夠奉旨花心，Bosco見到這個場面都覺得好震撼，笑言：「不說以為我都有份投資（套劇）！」同時，劇集除了TVB本身的藝員，還有邀請外援，就是人妻鄭希怡及新晉打女楊柳青，二人連同馬浚偉、黃翠如、馮盈盈等今天一起出席發布會，令劇集更有看頭。
Bosco之所以被女圍，因為他在劇中會到內地掘金，有錢又靚仔，有好多女朋友是必須的，所以Bosco都話監製厚待他。問到有如此多女朋友，除了嚇一跳之外，會否有床上戲？Bosco說：「咁呢個一定會有，現在的觀眾有時都要有些衝擊才行。不過這麼多個女仔圍住，我都好驚驚！（怕不怕傳緋聞？）唔係喎，橫豎已經破了（最多女朋友）紀錄，咁就一次過傳啦！反正都係得啖笑。」據知Bosco還會在劇集內有爆肌場面，現在已積極健身，以免與其他大隻佬同場會被比下去。至於爆多少次肌，Bosco就話因為電視尺度，應該都不會太多。
你冇眼花睇錯，Bosco新劇入面真係有咁多女朋友！（黃國立攝）
另外，Bosco現時已簽了邵氏，並有了自己的工作室，《溏心風暴3》是否他在TVB的告別作？他說：「始終我都很喜歡這裏的工作環境，就算現在不是簽TVB的約，還是會有機會再合作，看機緣吧。」不過，Bosco在內地接拍的劇集、網劇等工作，已經排到年尾，除了《溏心3》要在TVB見到Bosco，就要學他話齋：「等TVB買（我的劇）返來播囉！」
TVB除了幾乎出盡所有女藝員之外，更請了外援鄭希怡同楊柳青參演。（黃國立攝）
一眾女生以catwalk方式出場，圍住Bosco轉，花多眼亂。（黃國立攝）