龍珠超:超級英雄電影主題店影7米魔童｜牛涮鍋套餐換限定閃中閃卡
《龍珠超:超級英雄》電影已經上畫，唔知你有冇見到CWB有隻巨型魔童呢？原來同一時間，在銅鑼灣同旺角，都有《龍珠超:超級英雄》Pop Up Store！買公仔、買tee，仲有好多生活百貨同玩具！，而牛涮鍋 Shabu Shabu 又推出「龍珠超限定套餐」，將龜波氣功同魔貫光殺砲變成食物「啪」入口，即刻用舞空術飛去試食！
《龍珠超:超級英雄》電影主題精品店｜影7米魔童
為《龍珠超:超級英雄》電影宣傳，東映動畫在銅鑼灣及旺角開設了兩家Pop Up Store！銅鑼灣區的Amaz By Lokianno 主題店地方大一點，同區恒隆中心H&M頂樓（JP戲院對面）更有隻7米高魔童像！旺角家樂坊Pop Up Store（AEON外出）更有7米悟飯！
👉電費貴｜冷氣慳電換變頻電費反升8成 事主發現食電真凶嬲到吐血
發售逾80款《龍珠超劇場版：超級英雄》最新限定產品！
有Tee、布公仔、家品、電腦用品等等，當中最正就A2 Size《龍珠超劇場版：超級英雄》特大閃卡，頭100張有獨立編號。
龍珠超:超級英雄主題精品店
地址：銅鑼灣京士頓街2-4號地庫／旺角家樂坊
營業時間：星期一至日：中午12時至晚上9時（Amaz By Lokianno 藝術玩具展覽店）
、星期一至日：中午12時至晚上10時（旺角家樂坊店）
日期：即日起至10月31日
龍珠超主題餐設計抵死搞鬼
購物完就要醫肚，MouMouClub 牛涮鍋有個《龍珠超:超級英雄》限定套餐，將主角孫悟飯、笛子魔童，仲有新對手人造人伽瑪 1 號、伽瑪 2號，4個戲份最重的角色與食物「融合」！先點指定放題餐單，再加$58就可以追加一客【龍珠超:超級英雄限定套餐連限量卡 1 包】
👉SPY x FAMILY 第2季開播荃灣超靚打卡店｜小忌廉40週年展精品靚
笛子魔童之魔貫光殺炮 - 墨魚滑配紅蘿蔔
記者覺得這款fusion菜外型真的很搞笑，想出來的人腦洞大開令人拍爛手掌。竟然想出用切片紅蘿蔔，一片一片插在墨魚滑上，扮成笛子魔童絕招魔貫光殺炮，留意食之前不用儲氣。
前菜人造人伽瑪1／2號玉子燒
仲記得「RR」紅帶軍嗎？這支軍隊在悟空孩童時代起已四處作惡，後來更創造出人造人，想不到在新電影中又再出現。店家將新角色「人造人伽瑪 1 號」、「 人造人伽瑪2 號」黃色制服化為玉子燒，加上蛋黃醬及茄汁，視覺跟味道同時幫你開胃。
仙豆袋 -年糕福袋
在《龍珠Z》劇中，一粒仙豆就足以HP回滿血兼飽肚，好在這款真實版並無此功效，吃完還有胃口享用其他美食：仙豆袋子是腐皮壽司做外皮的年糕福袋，而仙豆其實是去殼的枝豆，這一味用來影相打卡一流。
悟飯氣功波爆醬日式蟹籽丸
CS！為了將蟹籽丸扮成悟飯的氣功波，竟特別準備底座和一張悟飯紙牌，我服了。
4星珠 - 骨膠原啫喱
小霧表示如果集齊7粒龍神龍許願，除咗想發達也想為皮膚補充骨膠原變靚啲。補對護膚很有功效。其實不用7粒，單是食了這款四星珠啫喱就OK！將它放入湯底，就可以為整窩湯增加骨膠原。
【龍珠超:超級英雄限定套餐】超級英雄限量卡
58蚊追加幾款食物算貴，但其實這個餐重點不是食物，而是跟餐送的1包5張龍珠角色閃卡。這套卡一共有20款，仲跟足80年代龍珠萬變卡玩閃卡、暗閃、閃中閃，想齊全套20款，就要加多幾客了。供應期至2022年 12 月 31 日，每位最多可追加3份限定套餐連限量卡，KABU PASS 會員最多可追加 5 份。特別一提，這套閃卡有兩款在電影最後登場的超隱藏人，圖片要在今個星期五才可以公開！請留意當日情報解禁！
（全套龍珠超:超級英雄限量卡合共20款：包括閃卡 3 款．暗閃 1 款．閃中閃 2 款．普通卡 14 款／限定8800包，換完即止）
👉Netflix 末日｜25%用戶打算退訂分手！2個原因令觀眾死心
加錢換精品
如果對閃卡冇興趣，其實活動期間在店內食／飲滿$150，都可以加錢換《龍珠超:超級英雄》精品，但留意貨量有限，換完即止，唔好等12月先去。當中最吸引就是傘內印有電影最後出場，某角色最終型態的新插畫。由於片商要求防劇透，圖片要在10月7日星期五才可公開。
Mou Mou Club 牛涮鍋分店地址／電話／營業時間請自行到facebook查詢