「Do姐」鄭裕玲離巢TVB後首個電視節目！　與HOY TV合作拍旅遊騷

「Do姐」鄭裕玲早前宣布與無綫（TVB）結束44年賓主關係，不少人以為與MIRROR關係好的她好快在會ViuTV亮相時，今日（7/12）便有消息爆出她即將與HOY TV（前稱香港開電視）合作拍攝旅遊節目。據了解，節目會由余詠珊主理的「好好製作」製作，農曆新年後便會出發，暫定15集，而地點和拍檔則待定，預計2023年播出。

余詠珊接受《香港01》訪問坦言一直都想與Do姐合作：「佢好肯創新、向前行嘅人，今次合作佢有一個最大嘅要求，就係個節目要同以往好唔同、要好好睇，我哋都會好認真做，花多啲力。（會同TVB有幾唔同？）希望喺拍攝手法上有分別，但其他細節上嘅嘢都未落實，仲要慢慢傾。」

能夠請到Do姐幫手，相信都落足咀頭，余詠珊笑指自己時不時都會致電Do姐尋求合作機會：「知道佢離開咗TVB之後就已經搵佢！（要出好多錢？）佢從來都唔同我講錢，佢最考慮嘅係點樣件事做到最好。」

鄭裕玲認不與無綫續約結束44年賓主關係　首次剖白：渴望出面做嘢

提到離巢原因，Do姐之前在其主持的商台節目《口水多過浪花》說：「首先我覺得呢三年嘅疫情對大家唔多唔少心態上都有唔同，我自己就覺得同TVB合約咁耐，佢對我係好好，咁我同公司交代嘅時候亦都係好開心，如果將來有咩節目係適合我，我亦覺得自己啱做，我都會同佢哋效力。」鄭裕玲更強調唔會再簽長約：「因為好多嘢未試過，所以唔排除一切可能性，無論同邊間機構，做啲乜嘢又好啦，所有都會考慮，因為我想試新嘢。」

Do姐在《口水多過浪花》中訪問過好多人：