容祖兒演唱會開騷拜神　心情興奮叫粉絲跟足Dress Code入場

容祖兒 《ANOTHER SIDE …… JOEY · MY SECRET · LIVE》演唱會今晚（13日）於演藝學院舉行33場演出，下午祖兒與工作大隊一起參予拜神，籌備苦練這麼久終於來到演出大日子，大家都非常興奮及開心。

是次祖兒的舞台非常七彩繽紛，可以講話係靚到暈，而且特別效果也有很多，所以前幾天也不停努力綵排到很夜，但因為有母親愛心靚湯及健康膳食照料，所以身體狀態也極FIT！

昨日拜神時祖兒已經興奮表示，「之前已經係社交平台公佈，我地每日希望觀眾有不同顏色Dress Code ，希望大家一齊參予啦，好期待見到每日都有唔同色系嘅人海...。另外想提下觀眾朋友，最好準時入場，演藝學院睇騷有規定，開左場就要等到中場休息先可以再入番去，所以大家千萬唔好遲到。而現場裡面係唔可以影相同錄影，大家安心放下手機，好好欣賞節目。到最後環節，大會已經同場地方講好左，到時我會話比大家知，可以影相留念啦，大家先拿手機出來影。」