麥美恩年拍8隻廣告 密密接Job賺錢好過拍劇
撰文：溫菁莉
出版：更新：
要講嘈喧巴閉、又肯搞笑騎呢嘅TVB女藝員認真唔多，麥美恩(Mayanne)都算係近年好難得嘅一位最多產嘅藝員，講嘅唔係拍劇拍得多而係廣告接得最多，她今年一共拍了8支廣告，由牙膏到化妝廣告都有佢份，密密賺真係搵唔少。而她原來亦是圈中的小富婆，因為早前已經在將軍澳置業自住，原來「傻大姐」另一面係咁精明，叫佢女版筍盤真係唔過份。
一打開電視Mayanne真係經常出現在廣告上！
+12
Mayanne係廣告中都唔介意扮醜。
網友話，「 識揀一定揀麥美恩！」
其實近年有不少港姐無論獲獎與否，都會朝向戲劇方面發展，但唯獨只有Mayanne走向司儀界，反而不拍劇做勁多綜藝節目同資訊性節目主持，廣告方面仲勁過一班一線花旦，在任何產品都見到其蹤影。雖然Mayanne唔算係典型女神式靚女，深受不少廣告商青睞都唔係無原因嘅，其開朗直率性格都係另一種的美，其中她在《學是學非》更經常被其他主持揶揄，雖然好多嘢講好嘈，但偏偏觀眾就係最鍾意呢一type。當年2011年參加港姐時Mayanne傳媒對她冠上「龍躉村姑」稱號，她不但止唔嬲，仲誤會以為係講緊自己係「鄰家女孩」feel，「村姑幾好呀，幾親切！知道真相之後咪先知原來自己咁肥，因為係溫哥華係standard，香港嘅女仔骨架好細，嗰時係肥腫難分。」近年有不少綜藝節目同慈善騷都有搵Mayanne做主持，在日前舉行的TVB 馬來西亞星光薈萃頒獎典禮2017中，憑《天與地》》及《森美旅行團》提名《最喜愛 TVB 節目主持》獎項，希望今年她可以再次頒獎禮上可以獲獎，咁到時真係財源滾滾來！