李佳芯拍拖最緊要識體諒 女神最怕姿整男：GEL行頭著晒恤衫會驚
撰文：李妍樺
出版：更新：
Ali原來很喜歡吃麥當勞。（林迅景攝）
網上流傳一句話：「男人一生，只想尋找一個肯挨麥記的女人 」，貼地女神李佳芯聞言爆笑：「吓，我成日都食M記，但其實我覺得好多香港女仔都係嘅，又唔好用呢樣野去講，好多人都肯嘅。Ali覺得連續十天吃麥當勞可能會吃不消，但間中去吃其實可以，而她自己就特別喜歡吃麥當勞的薯條。
大家都大讚Ali很「Gfable 」，但她自己就不認同這個說法，「我自問唔係一個好好嘅女朋友，我好多時間都放咗喺工作，我一開劇24小時得2個鐘訓，嗰2個鐘我連訓覺都唔夠，仲邊有時間分到畀男友。」對她來說，做女朋友最重要懂得體諒，和要愛惜自己，Ali解釋：「女仔某程度上愛惜自己，係等於愛你愛嘅人。」
Ali自問不是一個好女友。（網上圖片）
+8
既然大家都覺得Ali是「Gfable」，那麼對他來說，怎樣才是「Bfable」呢？她覺得沒什麼特別的條件，但唯獨不喜歡暖男，她說：「依家好興暖男，但我唔鍾意暖男，暖男係對個個女仔都好warm，但我覺得唔需要，每個人要有自己性格，對每個人都nice，每個人都好，唔代表你係一個好男友，你只係一個世界仔世界女。」
喜歡Ali的要注意了接下來她會跟大家分享他喜歡怎樣的男生，她說：「對我嚟講，一個男仔對自己嘅女朋友好，有啲嘢係對其他人冇做，咁先係對女朋友特別，咁我先會感受到女朋友同其他人嘅分別。」而她最討厭的就是愛姿整的男生，這類型怕嚇跑她，「我唔鍾意姿整嘅男仔，我自己平時都唔化妝，好隨意嘅，但如果我男友好姿整嘅話就唔係咁好，我鍾意隨性啲，自然啲唔想出親街都gel行頭，著晒恤衫，襯到一set花襪果種，太姿整會驚，落街食個飯都執到去飲咁。」各位粉絲聽到沒有？
Ali真的很「Gfable 」。（林迅景攝）
+6