[臉紅的思春期香港記者會]智煐:BOL4今年會跳舞　智潤:MAMA未食夠

Kpop組合BOL4臉紅的思春期，今日在《Mikiki X BOL4 Concert in Hong Kong》記者會同現場粉絲影完大合照後，返回後台稍作整頓再接受傳媒訪問。BOL4臉紅的思春期表示佢哋好鍾意去旅行，而舊年因為《2017 Mnet Asia Music Awards in Hong Kong》（MAMA）知道要嚟香港，一早就已經搵定晒行程，好想食炒辣蟹、麻辣火鍋、點心同埋飲奶茶等。有啲BOL4上次已經試過，而上次未試到嘅希望今次可以在香港食到！BOL4智潤仲話自己好鍾意食蛋撻，希望今次可以食到蛋撻先返韓國。

攝影：張穎倫　測試鏡頭：SONY SEL18135（2833 5129）

其後問到臉紅的思春期2018年有咩計劃時？BOL4智煐就話：「首先希望明日嘅香港演唱會可以留低美好回憶，而今年目標就係想畀大家見到更成熟嘅思春期。」而BOL4智潤就希望大家身體健康，並承諾會製作出更多更好嘅作品，又話演唱會一定要有新嘢先好睇，如果大家想嘅話我哋更會好願意表演舞曲畀大家睇！BOL4智煐都話：「我會努力唱好啲歌，如果大家真係想睇我哋跳舞嘅話都會努力練習㗎！」

最後BOL4臉紅的思春期就講到喺2017年接收到好多愛，又開咗個規模比之前大少少嘅演唱會，而2018年第一個海外演唱會又嚟咗香港，已經有一個好好嘅回憶！BOL4智潤就話：「我哋好鍾意去旅行，舊年去咗幾次旅行，今次又嚟咗香港，希望可以得到靈感製作歌曲。」而BOL4智煐嘅願望就十分搞笑，佢話：「今次希望睇到10秒以上嘅幻彩詠香江，因為上次嚟香港，去到嘅時候只係睇得10秒覺得好可惜！第二個願望就係再嚟香港開演唱會，最後就希望比起去年製作更好嘅歌曲安慰大家，希望大家可以得到同感！」
 

（觀看更多） 【臉紅的思春期】智煐清唱《Galaxy》冧粉絲　智潤好期待演唱會

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/