【湊成好字】郭富城婚後首過新年 狗年願望：想追多個仔﹗
撰文：洪曉璇
出版：更新：
郭富城初五出席新春活動，心情大靚相當風騷。（黃國立攝）
細個過年特別開心，有假放有好嘢食仲有好多好多利市。結咗婚就唔同講法啦，放假要到處拜年，放完好似無放一樣。郭富城婚後首次過農曆新年，佢都好大感受，終於享受到家庭樂，年初五出席新春活動時仲：「新年願望就係想追多個仔﹗」
活動上見到狗仔同小朋友，城城都父愛大爆放，眼神超溫柔。（黃國立攝）
【找數】郭富城24年前承諾結咗婚向全港巿民派利市：人人有份！
一年之間城城由鑽石王老五，變成人夫再做埋人父，一家三口過年當然特別有氣氛：「今年自己多咗囡囡，又結咗婚，家庭生活十分圓滿，好開心嘅一件事。咁多年來新年放假時間都好短，可能出完活動又要出發去拍戲。但今年有安排，第一次好好享受家庭樂。」
唔知城城囡囡識得請請拜年未呢？（黃國立攝）
可能呢幾日真係同個囡囡對得多，城城開口埋口都提起愛女，笑到見牙唔見眼：「咁多年嚟自己都好渴望有自己嘅寶寶，上年生咗囡囡，自己好開心亦好多謝大家對我嘅祝福，做爸爸心情到宜家都仲係好興奮好開心。」新一年城城都係歌影兩邊忙，暫時預計開50場世界巡迴演唱會，不過最大計劃其實係：「新年願望希望追多個仔啦﹗」預祝城城快啲再做爸爸呀下﹗
+2