【車Cam直擊】黐線㗎！七旬翁旺角雨夜衝紅燈 遭的士猛撼命危
撰文：劉高麟
出版：更新：
旺角亞皆老街凌晨發生驚險車禍。一名78歲姓周老翁，在今日（17日）凌晨4時許，由旺角洗衣街，衝紅燈橫過亞皆老街十字路口，在快線遭一輛駛至的士撞到飛彈開數米，倒臥馬路上，送院搶救後現時情況危殆。
行人路轉紅燈 伯伯仍過馬路
由路經上址之的士車Cam拍得片段顯示，當時身穿白衫黑褲的周伯，戴着一頂白色帽子，橫過洗衣街後，亞皆老街行人輔助線的黃燈已不斷閃動，當轉為紅燈後，周伯卻突然動身狂跑橫越亞皆老街。同一時間，在燈位前的車輛亦加油啟動，惟周伯步至快線時卻突然減慢步速。
紅的高速駛至 疑收掣不及
此時尾隨一輛市區的士馳至，疑收掣不及，將周伯狂撞彈上擋風玻璃，再飛彈落數米遠。周伯的帽子亦告飛脫，他倒臥路中未能郁動，其後由到場的救護員將他送院搶救，現時情況危殆。64歲姓陳的士司機則在場協助警員調查意外原因。
目擊者驚呼：大鑊啦！唉呀！
在事件中，目擊之的士司機亦被眼前景象嚇了一跳，狂呼「嘩嘩嘩、黐線㗎！」並指「大鑊啦！唉呀！死咗喇！」並質疑有人「飆咁快做乜？你真係！」惟有網民看過短片後，卻認為目擊事件之的士司機「冷漠」，未有停車了解。
七旬翁遭的士猛撞過程逐格睇：
+3
