珍妮花羅倫絲串爆女星扮食極唔肥：唔該做人誠實啲
撰文：陳穎思
出版：更新：
金像影后珍妮花羅倫絲（Jennifer Lawrence）素以敢言見稱，最近她接受外國雜誌訪問，談及身材及減肥等話題時，她直指某些女星明明靠瘋狂節食及做運動減磅，卻對外聲稱自己天生食極唔肥，這種行為十分虛偽。
相比其他荷里活女星，珍妮花不算纖瘦，但她拒絕瘋狂節食減肥。（Getty Images）
「如果你過瘦20磅，仲話自己日日食Pizza、炸雞，咁講係唔會令其他人好過囉！」珍妮花沒指名道姓鬧邊個，但相信圈中有不少女星都在裝模作樣，她希望女星們可以誠實一點，「假若我要參加奧斯卡頒獎禮或電影首映會，我唔會講大話，我係會同平時食得唔一樣，令自己可以著得落件晚裝，我唔會去否認（節食）」。
重溫更多珍妮花靚相
+17
珍妮花透露自己平日好少節食，想食Pizza就食Pizza，但會做更多運動去保持身材，不過平日沒準備之下被傳媒影相，都會擔心自己被影得狀態不佳，但她寧願做更多運動，都不想節食。她亦指出節食減肥同黐假眼睫毛、搽唇膏一樣，都是為了令自己變得更美麗，無需要收收埋埋：「完全冇問題，除非你係為咗某一個人變靚」。