【粵講粵㜺鬼】森美為保男神美譽 32度高溫死頂穿長袖外套
撰文：吳子生
出版：更新：
森美今日（17/5）現身將軍澳無綫電視城古裝街，為綜藝節目《粵講粵㜺鬼》進行錄影。今日大熱天時，森美大哥身穿長袖外套拍攝，原來為保男神美譽，可以話輸人都唔可以輸陣：「今日知道要同火水哥（鄧智堅）拍嘢，咁所以一定要型過佢，平時見火水哥嘅造型比較文青啲，為咗要有型啲，就揀件薄少少嘅外套，誰不知一嚟到先知，大熱天時喺呢度拍，真係失咗預算，不過幸好都拍攝得好快。」
森美為展現男神本色，身穿長袖外套亮相節目，在高溫外景下拍攝，全身濕透。（陳順禎攝）
森美孖住有馬國女神之稱的林宣妤，亮相節目《粵講粵㜺鬼》做嘉賓，提到每次拍攝節目，為何總會有美女相伴，森美笑言：「其實成件事都唔關我事嘅，其實呢個環節，火水哥都會搵一個女神，同佢一齊做嘅，因為係最後一集，咁所以佢哋就諗，有一個女神就加多個男神啦，咁所以我就嚟啦，哈哈，咁所以我嚟同火水哥鬥爭女仔囉。」
早前森美在電台節目中，播放許志安歌曲，被網民圍插。他表示日後在選取歌曲播放時，都不會刻意避忌，會以音樂選取方向行先。（陳順禎攝）