鄭伊健20年後召喚「洪興仔」 山雞大頭仔歐洲集結食大茶飯
撰文：林通賢
出版：更新：
鄭伊健、陳小春以前在《古惑仔》揸老牛、開山刀，20年後升呢揸M-16變俠盜。
山雞、包皮在布達佩斯，二人都保養得唔錯。
提起《古惑仔》一定令人想起鄭伊健、陳小春、謝天華、錢嘉樂、林曉峰，近年5位食住《古惑仔》氣勢攪演唱會，已經有不少粉絲估計他們應該會重組拍戲，到今年真的成事了，在最近陳小春的微博流出一張5人在布達佩斯的合照，古惑仔在歐洲成件事已經好唔match，更奇怪是他們一身特種部隊制服，手持M-16，睇慣他們揸牛肉刀、開山刀，突然間變機關槍…..而包皮(林曉鋒)亦上載了不少相片，雖然幾位主角已近50歲，不過沒有走樣，至於伊健當然是長髮啦…..
雖然佢哋揸機關槍好型，但都係想睇返佢哋攞牛肉刀同摺櫈。
未知和《古惑仔》有沒有關係，不過這套由錢嘉樂執導的新片叫《黃金兄弟》，5位古惑仔變了俠盜，看格局應該都係盜寶故事，先後到日本、歐洲取景，誠意十足，而且近年錢嘉樂擔任的動作指導《寒戰》一、二集，口碑亦不俗，飛車場面亦不輸蝕給荷里活，但如果見到浩南哥、山雞喺歐洲劈友，再唱埋：「來忘掉錯對 來懷念過去……」咁就一流喇!
+1