汪明荃爆每月要求羅家英畀家用：佢永遠都記得

汪明荃（阿姐）今日（27/2）現身九龍灣出席無綫《娛樂新聞台》男主持王鎮泉的婚禮。阿姐受訪時表示：「Jeoffrey過往好多時都有同我做訪問，佢為人都好乖，見今日佢大日子就嚟支持下啦。（會否傳授夫妻相處之道？）最緊要尊重老婆，同埋錫老婆囉。（係咪要畀晒家用？）咁又唔使，點都要留返啲嘅。（家英哥有冇畀家用你？）咁就一定要啦。（佢有冇試過唔記得畀？）咁又冇喎，佢永遠都記得。（佢乖唔乖？）佢Ok啦！（ok啦？咁即係佢有啲不足之處？）是旦啦，每個人都有啦，可能我都有呢，哈哈。」